អ្នកលេងគុនខ្មែរជួរមុខច្រើននាក់វ៉ៃចុងខែនេះ

2018-12-24 01:52:45
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាប្រដាល់គុនខ្មែរបានរៀបចំកីឡាករប្រដាល់គុនខ្មែរល្បីៗលំដាប់ជួរមុខទទួលស្វាគមន៍អ្នកលេងឆ្លងដែនក្នុងឱកាសសម្ពោធវិមានអនុស្សាវរីយ៍ ឈ្នះ ឈ្នះ និងខួបលើកទី២០ឆ្នាំនៃនយោបាយឈ្នះឈ្នះនាចុងឆ្នាំនេះ។

ក្នុងព្រឹត្តិការណ៍ប្រវត្តិសាស្ត្រនេះដែលមានកម្មវិធីសម្តែងជាច្រើនប្រភេទនេះក៏មានកម្មវិធីប្រកួតប្រដាល់មិត្តភាពអន្តរជាតិជាច្រើនគូរ។ សម្រាប់កីឡាករម្ចាស់ផ្ទះត្រូវបានគេមើលឃើញថា ប្រមូលប្តុំដោយជើងខ្លាំងជួរមុខស្ទើរអស់ទៅហើយសម្រាប់ការប្រកួតដែលមានរយៈពេល៤ថ្ងៃ។ កីឡាករកម្ពុជាមានដូចជាចាន់ រតនា, ឃីម ឌីម៉ា, ឡៅ ចន្ទ្រា, ធឿន ធារ៉ា, ផល សោភ័ណ្ឌ, រឿង សោភ័ណ្ឌ, មឿន សុខហ៊ុច, ពេជ្រ ម្ទេសខ្មាំង និង វង្ស ណយជាដើម។

ការប្រកួតនឹងរៀបចំនៅពហុកីឡដ្ឋានមរតកតេជោ ចាប់ពីថ្ងៃទី២៨ ២៩ ៣០ និង ៣១ ខែធ្នូ ឆ្នាំ២០១៨ដែលនេះជាឱកាសដ៏អស្ចារ្យសម្រាប់អ្នកនិយមតាមដាន និងស្រលាញ់កីឡាប្រដាល់គុនខ្មែរចូលរួមទស្សនាដោយសេរីដើម្បីអបអរឆ្នាំចាស់ផ្លាស់ចូលឆ្នាំថ្មី២០១៩៕