គ្រូ Crystal ថា Liverpool មុននិងក្រោយគង់តែរបូតពានទៅ City
- 2018-12-24 02:27:25
- ចំនួនមតិ 0 | ចំនួនចែករំលែក 0
គ្រូ Crystal ថា Liverpool មុននិងក្រោយគង់តែរបូតពានទៅ City
ចន្លោះមិនឃើញ
ក្រុម Liverpool នឹងរបូតឱកាសលើពាន Premier League ជាលើកដំបូងសម្រាប់រដូវកាលនេះដោយជៀសមិនផុត។ នេះបើតាមសម្ដីលោក Roy Hodgson អ្នកចាត់ការ Crystal Palace។
បរាជ័យដ៏គួរឲ្យភ្ញាក់ផ្អើល ២-៣ ក្នុងទឹកដីខ្លួនឯងរបស់ Manchester City ក្រោមថ្វីជើង Crystal បានធ្វើឲ្យ Liverpool ឈរលេខ១ក្នុងតារាងមានគម្លាតរហូត៤ពិន្ទុ។ យ៉ាងណា Roy ដែលជួយរុញ Liverpool ដោយប្រយោលទាយទុកថាក្រុមនេះគង់តែធ្លាក់ពីកំពូលតារាងមកវិញ។
បុរសដែលធ្លាប់ដឹកនាំ Liverpool កាលពីឆ្នាំ២០១១និយាយថា៖ "ខ្ញុំមិនគិតថា Pep Guardiola ខ្វល់ខ្វាយរឿងគម្លាត៤ពិន្ទុនឹងទេ ព្រោះមែនទែនទៅលីគនៅសល់២០ប្រកួតទៀតឯណោះ។ City នៅប៉ះ Liverpool ក្នុងដី១ប្រកួត ហើយបើពួកគេមិនអាចឈ្នះ ក៏គង់មានក្រុមផ្សេងអាចយកឈ្នះ Liverpool បាន។ ផ្លូវនៅវែងឆ្ងាយណាស់"៕