ប្លែកអារម្មណ៍ចំពោះរូបភាពទំហំ ១៩៥ Gigapixels ពីទីក្រុងសៀងហៃ

2018-12-27 07:14:11
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពទំហំដល់កម្រិត Gigapixel អាចឲ្យអ្នកពង្រីកស្ទើរគ្រប់ផ្នែកនៃរូបភាពបានលម្អិត។ ហើយរូបភាពផ្ដិតពីក្រុមហ៊ុនចិន BigPixel គឺផ្តល់លទ្ធភាពពង្រីកមើលបានបែបនេះ។

ទិដ្ឋភាពទីក្រុងចិនសៀងហៃនេះថតចេញពីអគារ Oriental Pearl Tower កម្ពស់ ២៣០ ម៉ែត្រ ជាមួយនឹងទំហំ ១៩៥ Gigapixels។ បើប្រៀបធៀបទៅនឹងស្មាតហ្វូនកម្រិតចុងក្រោយថតបានកម្រិតខ្នាតជា Megapixel រូបភាពនេះមានទំហំ ១៩៥ ០០០ Megapixels។

ទិដ្ឋភាពធំសម្បើមនេះបង្កើតដោយបន្សំចូលគ្នាពីរូបភាពជាច្រើន ថតចេញពីកាមេរ៉ាអាជីព និងប្រើ Lens គុណភាពខ្ពស់។ ការងារនេះចំណាយពេលដល់ទៅ ២ ខែ ដើម្បីបញ្ចប់។

ទំហំរូបភាពប៉ុណ្ណេះ មិនទាន់ធំដាច់គេនោះទេ។ បើតាមទិន្នន័យកំណត់ត្រាពិភពលោក រូបភាពធំបំផុតមាន ៨៤៦ Gigapixels។ រូបនេះបង្កើតដោយក្រុមមួយនៅសកលវិទ្យាល័យម៉ាឡេស៊ី ក្នុងឆ្នាំ ២០១៥ ដោយបង្ហាញរូបភាពទីក្រុងកូឡាឡាំពួរ ប្រទេសម៉ាឡេស៊ី។ ទិដ្ឋភាពនេះបន្សំពី ៣១ ០០០ រូបភាព៕