ជៀសបានគួរជៀសទៅ App ទាំង ៥ ប្រភេទលើ iPhone ស៊ីថ្មលឿនហួសថ្លែង

2018-12-28 02:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថាមពលថ្មជាកត្តាដ៏សំខាន់មួយសម្រាប់ការប្រើប្រាស់ប្រចាំថ្ងៃ ដោយឡែកសម្រាប់ម្ចាស់ iPhone ក៏ត្រូវគិតគូរខ្លាំងបំផុតលើការចំណាយពេលជាមួយ App មួយចំនួន ដែលស៊ីថ្មលឿនជាងប្រភេទ App ដទៃទៀត។ ខាងក្រោម Sabay បង្ហាញពី App ទាំង ៥ និងដំណោះស្រាយដើម្បីរក្សាថាមពលថ្មកាន់បានយូរ:

៥.បណ្តាញសង្គម:

មិនថាតែ Facebook, Snapchat ឬក៏ Instagram ជាដើម មនុស្សភាគច្រើនសុទ្ធសឹងប្រើប្រាស់ ប៉ុន្តែវាក៏ជាសញ្ញាអវិជ្ជមានខ្លាំងបំផុតដល់ថាមពលថ្មស្មាតហ្វូន។ អ្នកប្រើប្រាស់បើយល់ល្អអាចអនុវត្តតាមវិធីខាងក្រោម:

សម្រាប់ Facebook គួរលុប App នោះចោល ហើយងាកមកប្រើប្រាស់តាម Safari ដោយចូលទៅកាន់ Facebook.com រួចដាក់តាំងលើ Home Screen ដើម្បីផ្តល់ភាពងាយស្រួល
សម្រាប់ Snapchat មានមុងងារ Travel Mode អាចចូលបានក្នុងទីតាំង Ghost/Bitmoji icon > Gear Icon > Manage
រាល់ App បណ្តាញសង្គមទាំងអស់ សូមកំណត់ Location Services ដាក់ថា While Using ក្នុងទីតាំង Settings
អ្នកក៏អាចសាកល្បងបិទមុខងារ Background App Refresh

៤.ការប្រើប្រាស់ Browser ខាងក្រៅ:

អ្នកប្រើប្រាស់ iOS ទាំងអស់មិនប្រាកដថាសុទ្ធតែបាក់ចិត្តជាមួយ Safari នោះទេ អ្នកខ្លះក៏ងាកទៅប្រើ Chrome ឬ Firefox ដែលនេះជាចន្លោះប្រហោងដ៏ធំមួយ។

៣.ការកំណត់ទីតាំងលើ App ធ្វើដំណើរ:

ដូចជា Google Maps ឬ Waze និង Uber ជាដើម សុទ្ធសឹងខ្ជះខ្ជាយថាមពលថ្មខ្លាំង ព្រោះវាទាមទារការដឹងពីទីតាំងដែលអ្នកឈរជើង។ សូមចូលទៅកាន់ Settings > Privacy > Location ធ្វើការកំណត់ប្រភេទ App ធ្វើដំណើរទៅជា While Using។

២.App ទំនាក់ទំនង:

ប្រភេទកម្មវិធីទំនាក់ទំនងដូចជា Skype ឬ mail អ្នកចាំបិទត្រូវបិទមិនឲ្យដំណើរការ BackgroundApp Refresh ដោយឡែកសម្រាប់ Mail អ្នកក៏មានវិធីពិសេសដើម្បីទប់ស្កាត់បានខ្លះ ដោយចូលទៅ Settings > Mail > Accounts > Fetch New Data។

១.រកប្រភេទ App ដែលស៊ីថ្មដោយខ្លួនឯង:

ដើម្បីឲ្យប្រាកដផ្អែកតាមការប្រើប្រាស់ជាក់ស្តែង ក្នុងប្រព័ន្ធប្រតិបត្តិ iOS 11.3 ឡើងទៅ ក្នុង Settings មានមុខងារពិនិត្យស្ថានភាពការប្រើប្រាស់ ដោយក្នុងទីតាំង Battery ដែលអ្នកអាចលម្អិតបានតើ App ណាមួយដែលស៊ីថ្មខ្លាំងបំផុត និងពិនិត្យត្រង់ Battery Health ដើម្បីសិក្សាពីការណែនាំល្អៗមួយចំនួន៕