iPhone X/XS Max ត្រៀមដកខ្លួនពីទឹកដីចិន ហើយមកផលិតនៅប្រទេសនេះជំនួសវិញ
- 2018-12-29 02:06:16
- ចំនួនមតិ 0 | ចំនួនចែករំលែក 0
iPhone X/XS Max ត្រៀមដកខ្លួនពីទឹកដីចិន ហើយមកផលិតនៅប្រទេសនេះជំនួសវិញ
ចន្លោះមិនឃើញ
ផែនការណ៍បញ្ចប់ការផលិត iPhone ជំនាន់ក្រោយនៅប្រទេសចិននឹងបញ្ចប់ត្រឹមដើមឆ្នាំ ២០១៩ នេះ ខណៈ Apple នឹងមានគម្រោងផ្លាស់ប្ដូរទិសដៅរបស់ខ្លួនទៅធ្វើការសម្រុកក្នុងប្រទេសឥណ្ឌាវិញ។ តាមរយៈដៃគូសហការមានតាំងពី Foxconn, Pegatron និង Wistron កន្លងមកទទួលបានជោគជ័យលើការដំឡើង iPhone 6s និង iPhone SE ក្នុងរយៈពេលមួយឆ្នាំចុងក្រោយ។
បើយោងតាម Reuters ចុះផ្សាយកាលពីពេលថ្មីៗនេះ Apple នឹងចាប់ផ្តើមពង្រីករោងចក្រដំឡើង iPhone សេរ៊ីខ្ពស់មានដូចជា iPhone X និង XS Max នាដើមឆ្នាំ ២០១៩ ក្នុងប្រទេសឥណ្ឌា ដោយស្ថិតនៅ រោងចក្រ Sriperumbudur របស់ Foxcon ក្នុងភាគខាងត្បូងនៃរដ្ឋ Tamil Nadu។ ទំហំចំណាយក្រុមហ៊ុនយក្សអាមេរិកនឹងវិនិយោគទុនបន្ថែមប្រមាណ ២៥ ពាន់លានរូពី ឬប្រហែល ៣៥៦ លានដុល្លារ ដើម្បីពង្រីករោងចក្រនិងតម្រូវការចំណាយបន្ថែម។ នេះបើយោងតាមការលើកឡើងរបស់រដ្ឋមន្ត្រីក្រសួងពាណិជ្ជកម្មប្រចាំតំបន់លោក M C Sampath។
ជាមួយការវិនិយោគនេះ ក៏រំពឹងនឹងបង្កើតឱកាសការងារថ្មីចំនួន ២៥ ០០០ កន្លែង សម្រាប់ប្រទេសឥណ្ឌា ហើយក៏ជាសារឆ្លើយតបទៅនឹងសង្រ្គាមពាណិជ្ជកម្មដែលសហរដ្ឋអាមេរិកបានផ្ទុះឡើងជាមួយប្រទេសចិននាប៉ុន្មានខែចុងក្រោយ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ប្រើកាមេរ៉ា Game Boy ស-ខ្មៅ យកទៅច្នៃចេញរូបថតមានពណ៌ឡើងអ៊េម
OPPO បង្កើនការចំណាយទ្វេដង ដើម្បីដេញជើងលើការផលិតទូរសព្ទ 5G
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
