ទៅថ្ងៃអនាគត Elon Musk ជឿថារឿងរ៉ាវដ៏អស្ចារ្យ ២ នេះនឹងអាចកើតទៅបាន

2019-01-02 11:39:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នកំពុងកាន់កាប់លើក្រុមហ៊ុនផលិតរថយន្តអគ្គិសនី Tesla និងក្រុមហ៊ុនអវកាស SpaceX លោក Elon Musk បានប៉ាន់ប្រមាណពីរឿងរ៉ាវ ២ ចំណុចដែលអាចនឹងកើតឡើងទៅថ្ងៃអនាគត។ ក្នុងនោះមានទាក់ទងនឹងការទៅគ្រប់គ្រងទីតាំងរស់នៅលើភពអង្គារ និងការភ្ជាប់ខួរក្បាលមនុស្សទៅកាន់កុំព្យូទ័រ។

១.ក្នុងរយៈពេល ៧ ទៅ ១០ ឆ្នាំ នឹងមានក្រុមមនុស្សទៅបោះទីតាំងរស់នៅលើភពអង្គារ:

កាលពីខែវិច្ឆិកាកន្លងទៅ Musk បានឆ្លើយតបលើគណនី Twitter ថារយៈពេល ៧ ទៅ ១០ ឆ្នាំបន្ទាប់ នឹងលេចចេញក្រុមមនុស្សទៅបោះទីតាំងរស់នៅលើភពអង្គារ។ ក្នុងសារឆ្លើយតបដដែលលោកស្រមៃថាមានតាំងពីក្រុមអ្នកវិស្វករ វិចិត្រករនិងអ្នកចៃ្នប្រឌិតគ្រប់ផ្នែក។

រំឭកថាកន្លងទៅ SpaceX ក៏ធ្លាប់បង្ហាញពីគោលជំហរក្នុងការបង្កើតនូវរ៉ុកកែតដឹកអ្នកដំណើរគ្មានមនុស្សបើកទៅកាន់ភពអង្គារនាឆ្នាំ ២០២៤ នេះបើយោងតាមការលើកឡើងរបស់ Musk។

២.ក្នុងរយៈពេល ១០ ឆ្នាំបន្ទាប់អ្នកនឹងអាចភ្ជាប់ខួរក្បាលទៅកាន់ប្រព័ន្ធកុំព្យូទ័រ:

លោក Elon Musk ក៏កាន់កាប់ក្រុមហ៊ុន Neuralink ដែលកំពុងអភិវឌ្ឍនូវប្រព័ន្ធចំណុចប្រទាក់ខួរក្បាលល្បឿនលឿនភ្ជាប់ទៅកុំព្យូទ័រ។ ជោគជ័យនេះនឹងភ្ជាប់អេឡិចត្រូតកុំព្យូទ័រទៅកាន់កោសិកាប្រសាទនៅក្នុងខួរក្បាលរបស់អ្នក ហើយមានបន្ទះឈីបនិងបណ្ដុំខ្សែតូចៗបំពាក់ជាប់ទៅផ្នែកលលាដ៍ក្បាល។ លោកមានប្រសាសន៍ថា៖ "ខ្ញុំជឿថារឿងនេះនឹងធ្វើទៅបានក្នុងរយៈពេល ១ ទសវត្សរ៍បន្ទាប់"៕