ចិន បញ្ជូនយានអវកាសទៅកាន់តំបន់អាថ៌កំបាំង១ នៅឋានព្រះចន្ទ ដោយជោគជ័យ

2019-01-03 08:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិន បានសម្រេចជោគជ័យលើកដំបូងជាប្រវត្តិសាស្រ្ត ក្នុងការចុះចតយានមួយឈ្មោះ Chang'e-4 នៅលើផ្នែកម្ខាងទៀតនៃភពព្រះចន្ទ (តំបន់ងងឹតដែលមនុស្សលើផែនដីមិនអាចមើលឃើញ និងជាតំបន់ដែលមិនទាន់មានប្រទេសណាបញ្ជូនយានអវកាសទៅដល់) នាថ្ងៃទី៣ ខែមករា ឆ្នាំ២០១៩នេះ។

យានឈ្មោះ Chang'e-4

យានអង្កេតនេះ ត្រូវបានរំពឹងថា នឹងសិក្សាពីទីតាំងភូមិសាស្រ្ត សមាសភាពរ៉ែ និងរចនាសម្ព័ន្ធលើផ្ទៃដីនៅតំបន់ងងឹតភពព្រះចន្ទនោះ។

នៅទីនោះ មានរណ្តៅមួយឈ្មោះ Von Karman ទំហំ ១៨៦គីឡូម៉ែត្រ គឺជាទីតាំងដ៏គួរឱ្យចាប់អារម្មណ៍ ក្នុងការពិសោធវិទ្យាសាស្រ្តរបស់ចិន ព្រោះសម្បូរទៅដោយរ៉ែ Thorium, ដែកអ៊ុកស៊ីត (iron oxide) និងទីតាញ៉ូមឌីអ៊ុកស៊ីត (titanium dioxide) ជាដើម។

រូបនៅផ្នែកម្ខាងទៀតនៃព្រះចន្ទ ដែលថតចេញពីយាន Chang'e-4

យាន Chang'e-4 ត្រូវបានបាញ់បង្ហោះតាមរយៈរ៉ុកកែត Long March-3B កាលពីថ្ងៃទី៨ ខែធ្នូ ឆ្នាំ២០១៨ ចេញពីមជ្ឈមណ្ឌល Xichang Satellite ដែលស្ថិតនៅភាគនីរតីនៃប្រទេសចិន។

វាបានចូលដល់គន្លងភពព្រះចន្ទដែលមានរាងពងក្រពើមួយ នៅថ្ងៃទី១២ ខែធ្នូ បន្ទាប់មកចូលដល់គន្លងដែលបានគ្រោងទុក នៅថ្ងៃទី៣០ ខែធ្នូ។

បើតាមលោក Ye Peijian អ្នកជំនាញម្នាក់នៅបណ្ឌិតសភាវិទ្យាសាស្រ្តអវកាសចិន China Aerospace Science and Technology Corporation Fifth Academy បាននិយាយថា បេសកកម្មចម្បងរបស់យានអង្កេត Chang'e-4 រួមមាន ការរុករកនៅប៉ូលខាងជើង និងប៉ូលខាងត្បូងនៃព្រះចន្ទ, បង្កើតស្ថានីយស្រាវជ្រាវភពព្រះចន្ទដោយគ្មានមនុស្ស និងផ្សារភ្ជាប់ទំនាក់ទំនងរវាងយានចុះចត មនុស្សយន្ត និងក្រុមការងារ។

លើសពីនេះ យាន Chang'e-4 ក៏នឹងចុះចតនៅកន្លែងជាច្រើនទៀតលើភពព្រះចន្ទ ដើម្បីរុករកបន្ថែម៕

អានបន្ត៖

ប្រភព៖ CGTN | Kley Kley ប្រែសម្រួល៖ សំភី