ឈ្នះភ្លាម Pep ថាពីពេលនេះទៅគ្រប់ប្រកួតជាវគ្គផ្ដាច់ព្រ័ត្ររបស់ City
- 2019-01-04 01:20:23
- ចំនួនមតិ 0 | ចំនួនចែករំលែក 0
ឈ្នះភ្លាម Pep ថាពីពេលនេះទៅគ្រប់ប្រកួតជាវគ្គផ្ដាច់ព្រ័ត្ររបស់ City
ចន្លោះមិនឃើញ
Pep Guardiola បាននិយាយថាបើចង់លើកពាន Premier League ក្រុម Manchester City ត្រូវចាត់ទុកគ្រប់ប្រកួតគឺជាវគ្គផ្ដាច់ព្រ័ត្ររបស់ពួកគេចាប់ពីពេលនេះទៅ។
ការនិយាយដូច្នេះក្រោយពេល City បានយកឈ្នះក្រុមកំពូលតារាង Liverpool ២ទល់នឹង១ដើម្បីបន្ថយគម្លាតពី ៧ពិន្ទុមកត្រឹម៤ពិន្ទុវិញខណៈការប្រកួតក្របខ័ណ្ឌអង់គ្លេសសល់១៧ប្រកួតទៀតនឹងបញ្ចប់រដូវកាលរបស់ខ្លួនហើយ។
"ពួកយើងដឹងថាមានតែឈ្នះប៉ុណ្ណោះដែល Manchester City មានឱកាសដណ្ដើមពាន ហើយបើភ្លាត់ចាស់នោះ គ្រប់យ៉ាងគឺចប់ហើយ។ នៅមានឧបសគ្គច្រើនទៀតនៅប្រកួតបន្តបន្ទាប់ គ្រប់ការប្រកួតនៅពេលនេះគឺជាវគ្គផ្ដាច់ព្រ័ត្ររបស់យើង"។ Pep និយាយដូច្នេះ។
គួរបញ្ជាក់ថាប្រកួតយប់មិញ Agüero ជាអ្នកស៊ុតគ្រាប់ទីមួយ ខណៈ Firmino ជាអ្នកតាមស្មើឲ្យ Liverpool ហើយជ័យជម្នះរបស់ក្រុមរហស្សនាមថា "ពណ៌ផ្ទៃមេឃ" បានមកពីបាល់នាទី៧២របស់ខ្សែបម្រើឆ្នើម Leroy Sane៕