Abramovich ទម្លាយថាលោកអាចទិញក្លឹប Arsenal មិនមែន Chelsea ទេ តែដោយសារកំហុសធនាគារស្វីស
- 2019-01-06 13:22:04
- ចំនួនមតិ 0 | ចំនួនចែករំលែក 0
Abramovich ទម្លាយថាលោកអាចទិញក្លឹប Arsenal មិនមែន Chelsea ទេ តែដោយសារកំហុសធនាគារស្វីស
ចន្លោះមិនឃើញ
ម្ចាស់ក្លឹប Chelsea លោក Roman Abramovich អាចទិញក្លឹប Arsenal កាលពី១៦ឆ្នាំមុន មិនមែនក្លឹប Chelsea នោះទេតែដោយសារកំហុសរបស់ធនាគារស្វីស។
ការទម្លាយដ៏គួរឲ្យភ្ញាក់ផ្អើលនេះត្រូវបានសរសេរនៅក្នុងសៀវភៅថ្មីមួយមានចំណងជើងថា “The Club” សរសេរដោយអ្នកនិពន្ធ២នាក់របស់ Wall Street Journal ។
ខ្លឹមសារសៀវភៅដែលត្រូវបានដកស្រង់ដោយ The Sun បានរៀបរាប់ថា កាលពីឆ្នាំ ២០០៣ Abramovich បានជួលធនាគារស្វីស UBS ដើម្បីពិនិត្យមើលសេដ្ឋកិច្ចនៃក្របខ័ណ្ឌបាល់ទាត់កំពូលនៅអង់គ្លេស។
ការរកឃើញមួយរបស់ធនាគារខាងលើបានរាយការណ៍ប្រាប់លោក Abramovich ថា "ក្លឹបកាំភ្លើងធំ Arsenal មិនសម្រាប់លក់ទេ"។
ហេតុដូច្នេះ Abramovich បានងាកទៅទិញ Chelsea ក្នុងតម្លៃ ១៤០ លានផោន (ប្រហែល ១៧៨ លានដុល្លារ) ដោយចាប់តាំងពីពេលនោះមក ក្លឹបតោខៀវបានឈ្នះពាន Premier League ៥លើក និង Champions Leauge ១លើក ពោលគឺនៅឆ្នាំដែលមហាសេដ្ឋីរូបនេះបានកាន់កាប់ Stamford Bridge ក្លឹប Chelsea បានឈរលេខ២ នៅរដូវកាល ២០០៣-០៤ ជាឆ្នាំដែល Arsenal លើកពានមាស ហើយត្រឹម១ឆ្នាំបន្ទាប់ Chelsea ក្លាយជាម្ចាស់ជើងឯក Premier League ហើយចាប់ផ្តើមក្លាយជាក្លឹបដ៏ខ្លាំងមួយនៅអង់គ្លេស។
តាមពិត Abramovich ក៏ធ្លាប់បានជួបជាមួយម្ចាស់ក្លឹប Tottenham ដែរមុនសម្រេចចិត្តទិញ Chelsea ប៉ុន្តែកាលណោះ ខណៈពេលដែលរថយន្ត Mercedes របស់លោកកំពុងបរនៅលើមហាវិថី Tottenham លោកក្រឡេកមើលខាងក្រៅរថយន្ត ហើយនិយាយជាភាសារុស្ស៊ីថា "ទីនេះពិបាកជាង Omsk” ជាទីដែលលោកមានរោងចក្រចម្រាញ់ប្រេងនៅស៊ីប៊េរី៕