រាងមិនស្អាត តែទូរសព្ទចិន ៥ ធន់ខ្លាំងដល់ថ្នាក់ឡានកិនមិនបែកតម្លៃខ្ទង់ ២០០ ដុល្លារ

2019-01-07 02:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតថាមានក្រុមហ៊ុនស្មាតហ្វូនល្បីៗជាច្រើនបានប្រណាំងប្រជែងគ្នាយកលេខ ១ ផ្នែករចនារូបរាងស្អាតទាក់ទាញ មានផ្ទៃអេក្រង់លាតពេញមួយតួខ្លួនចឹងជាដើម។ យ៉ាងណាមិញ ក្រុមហ៊ុនទាំងប៉ុន្មានខាងក្រោមនេះ មិនខ្វល់ពីរូបរាងនោះទេ ប៉ុន្តែបានផលិតចេញជាស្មាតហ្វូនដ៏ធន់សម្បើម មានបច្ចេកវិទ្យាការពារជម្រាបទឹកកម្រិតខ្ពស់ ធានាបាននូវការប្រើគ្រប់លក្ខខណ្ឌ មិនថានៅព្រៃ ឬនៅកន្លែងធ្វើការផ្នែកវិស្វកម្ម ឬនៅក្នុងទឹកក៏ដោយ។

#១.Ulefone

Ulefone Armor 5 ជាស្មាតហ្វូនមួយ ដែលត្រូវបានក្រុមហ៊ុនដាក់រហស្សនាមឲ្យថា ជាស្មាតហ្វូនឆកដ៏រឹងមាំបំផុតដំបូងគេ និងមានលក្ខណៈពិសេសជាច្រើនដូចជា មានបច្ចេកវិទ្យាមិនជ្រាបទឹកបាន ១ ម៉ោងឯណោះ។ ចុចអានបន្ថែមពី បច្ចេកវិទ្យាផ្សេងទៀតលើ Ulefone Armor 5 នៅទីនេះ។

តម្លៃបរទេស Ulefone Armor 5 គឺ ២៤៩ ដុល្លារ។ អ្នកអាចរកទិញបាននៅ Amazon ឬគេហទំព័រដទៃបាន ប៉ុន្តែមិនទាន់មានលក់នៅទីផ្សារក្នុងស្រុកនៅឡើយទេ៕

#២.Poptel

ស្មាតហ្វូនក្រុមហ៊ុនចិន Poptel P60 នេះក៏រឹងមាំមិនធម្មតាដែរ បំពាក់កម្រិតការពារជម្រាបទឹក IP68 មិនត្រឹមតែធន់និងទឹកប៉ុណ្ណោះទេ ឯរូបរាងខាងក្រៅក៏រឹងមាំណាស់ដែរ សូម្បីតែការទម្លាក់ពីកម្ពស់ ៥ ម៉ែត្រក៏នៅអាចប្រើបានដូចដើម។ ចុចអានបន្ថែមពី បច្ចេកវិទ្យាផ្សេងទៀតលើ Poptel P60 នៅទីនេះ

ចំពោះតម្លៃលក់ប្រមាណជា ៣៤៥ ដុល្លារ។

#៣.Doogee

Doogee ជាឈ្មោះក្រុមហ៊ុនផលិតស្មាតហ្វូនមួយក្នុងប្រទេសចិន ដែលមានឈ្មោះបោះសំឡេង តាមរយៈការបញ្ចេញទូរសព្ទសម្រាប់លេងហ្គេម មានកម្លាំងខ្លាំង និងបំពាក់ដោយកម្រិតភាពធន់ខ្លាំង សូម្បីតែយក Doogee ម៉ូឌែល S70 ទៅដាក់ឲ្យឡានកិនហើយ នៅតែគ្មានបញ្ហាបាក់បែកអ្វីសោះ។ ចុចអានបន្ថែមពី បច្ចេកវិទ្យាផ្សេងទៀតលើ Doogee S70 នៅទីនេះ

តម្លៃ៖ ២៧៩ ដុល្លារ(តម្លៃបរទេស)។

#៤.Kyocera

ក្រុមហ៊ុន Kyocera បានសហការជាមួយ Verizon ចេញផ្សាយនូវស្មាតហ្វូនធុននឹងថ្មមិនខ្លាចធ្លាក់ ម៉ូឌែល DuraForce Pro 2 ។

សំបកតួខ្លួនមាំល្អណាស់ បំពាក់អេក្រង់ការពារឆ្កូតទំហំ ៥ អ៊ីញ មានទ្រនាប់ស្កេនខ្ចៅដៃជាប់ប៊ូតុង Power អាចសាកថ្មតាមរន្ធសាកជំនាន់ខ្ពស់ USB-C ឬឥតខ្សែ Wireless។ ចុចអានបន្ថែមពី បច្ចេកវិទ្យាផ្សេងទៀតលើ DuraForce Pro 2 នៅទីនេះ

មេមូរី 64GB តម្លៃ ៤៤៤ ដុល្លារ ដោយអាចរកទិញបានតាមរយៈក្រុមហ៊ុន Verizon។

#៥.Elephone Soldier

ជាស្មាតហ្វូនដំបូងដ៏មាំបំផុត ដែលមានអេក្រង់បង្ហាញរូបភាពកម្រិត 2K display។ ក្រៅពីរឹងមាំ វាមានបច្ចេកវិទ្យាការពារជម្រាបទឹកកម្រិត IP68 អាចធន់ទឹកបានជម្រៅ ១.៣០ ម៉ែត្រក្នុងរយៈពេលជាង ១ ម៉ោងឯណោះ។ មានថាមពលថ្ម ៥០០០ មីលីអំពែម៉ោង [ចុចអានបន្ថែមពី បច្ចេកវិទ្យាផ្សេងទៀតលើ Elephone Soldier នៅទីនេះ

តម្លៃត្រឹមតែ ១៧៩ ដុល្លារ។ អ្នកអាចបញ្ជាទិញតាមអនឡាញបានតាមរយៈវិបសាយនេះ en.efox-shop.com។

អានបន្ត៖

ប្រភព៖ gizmochina ប្រែសម្រួល៖ រក្សា