ZTE គ្រោងចេញផ្សាយស្មាតហ្វូនដំណើរការប្រព័ន្ធ 5G នាពាក់កណ្តាលឆ្នាំ ២០១៩
- 2019-01-09 14:49:00
- ចំនួនមតិ 0 | ចំនួនចែករំលែក 0
ZTE គ្រោងចេញផ្សាយស្មាតហ្វូនដំណើរការប្រព័ន្ធ 5G នាពាក់កណ្តាលឆ្នាំ ២០១៩
ចន្លោះមិនឃើញ
ក្រុមហ៊ុនប្រទេសចិន ZTE បានបង្ហាញពីមហិច្ឆតារបស់ខ្លួនក្នុងការត្រៀមប្រកាសស្មាតហ្វូនដំណើរការដោយប្រព័ន្ធ 5G នាពាក់កណ្តាលឆ្នាំ ២០១៩ ដោយទំនងជាម៉ូឌែលនៃត្រកូល Axon និង Blade ជំនាន់ថ្មី។ សារនេះឆ្លើយតបទៅនឹងការលើកឡើងនាខែធ្នូឆ្នាំទៅ ដោយ ZTE ធ្លាប់ប្រកាសម្តងរួចមកហើយថាខ្លួននឹងក្លាយជាក្រុមហ៊ុនដំបូងដែលផ្តល់ជូនអតិថិជននូវប្រព័ន្ធ 5G និងទូរសព្ទ 5G។
ក្រុមហ៊ុនមានមូលដ្ឋានក្នុងទីក្រុង Shenzhen មួយនេះបានសាកល្បងដោយជោគជ័យលើដំណើរការ 5G មួយចំនួនរួមបញ្ចូលទាំងការហៅចេញចូល ការរុករកលើអ៊ីនធឺណិត និងដំណើរការផ្ញើសារ WeChat ហើយអ្វីដែលពិសេសខ្លួនក៏ទទួលភ្លើងខៀវរួចស្រេចចេញពីអាជ្ញាធរប្រទេសចិន។
រំឭកថាស្មាតហ្វូនកំពូល Axon 9 Pro កន្លងទៅរបស់ ZTE ធ្លាប់បានប្រកាសក្នុងព្រឹត្តិការណ៍ IFA 2018 ដោយឡែកសម្រាប់ជំនាន់ក្រោយនេះក៏រំពឹងនឹងមានការវិវត្តនូវបន្ទះឈីបថ្មី មុខងារកាមេរ៉ា AI ក៏ដូចជាបច្ចេកវិទ្យា VR/AR ផងដែរ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ជាង ៦ ម៉ឺននាក់ នាំគ្នាជិះ Grab នៅយប់ឆ្លងឆ្នាំ ២០១៨ ចូល ២០១៩
បង្ហាញទំព័រ និងគណនីល្បីឈ្មោះទាំង ១០ លើ Facebook/Instagram ប្រចាំឆ្នាំ ២០១៨