ជយោ...អ្នកកំពង់ស្ពឺឈ្នះពាន The Voice Cambodia ហើយ...!!!

2014-11-17 06:42:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងបរិយាកាសដ៏រំជើបរំជួល បេក្ខជន ប៊ុត សីហា មកពីខេត្តកំពង់ស្ពឺបានក្លាយជាម្ចាស់ជយលាភីកម្មវិធីប្រឡងចម្រៀងសម័យដ៏ពេញនិយម The Voice Cambodia ក្នុងឆ្នាំទី១នេះហើយ នៅប៉ុន្មាននាទីមុននេះ។

ប៊ុត សីហា បានយកឈ្នះបេក្ខជនបីរូបទៀតក្រោយការតស៊ូដំណាក់ចុងក្រោយយ៉ាងក្ដៅគគុក។ នៅមុនការប្រកាសលទ្ធផល បេក្ខជនទាំង៤ដែលឈានមកដល់វគ្គចុងក្រោយនេះ តម្រូវឲ្យបកស្រាយចម្រៀងចំនួន២បទរៀងខ្លួន ក្នុងនោះមានបទ Slow មួយបទ និងបទញាក់មួយបទ។

អត្ថបទ៖ ភ្នំពេញ កំពង់ឆ្នាំង ព្រៃវែង និងកំពង់ស្ពឺ អ្នកណាលើកពាន The Voice Cambodia?

ជាដំបូង សីហា បានស្រាយបទ Slow មានចំណងជើងថា "ស្រឡាញ់បងគ្មានអនាគតទេ" និងបទញាក់ "គ្មានអូនបងនៅជាបង" ។ បង្ហាញទេពកោសល្យលើបទចម្រៀងទាំងពីរបទនេះ ប៊ុត សីហា ត្រូវប្រិយមិត្តបោះឆ្នោតក្លាយជាម្ចាស់ជយលាភី The Voice Cambodia ឆ្នាំដំបូងនេះតែម្ដង ក្នុងចំណោមលក្ខខណ្ឌបោះឆ្នោតទាំង៣លក្ខខណ្ឌ។

ជាមួយជយលាភីនេះយុវជនមកពីខេត្តកំពង់ស្ពឺរូបនេះ ទទួលបានទឹកប្រាក់ចំនួន ១០០លានរៀល និងក្លាយជាតារាចម្រៀងចុះកុងត្រាជាមួយផលិតកម្មរស្មី ហង្សមាស រួមទាំងក្លាយជាសមាជិករបស់កម្មវិធី The Voice ពិភពលោកថែមទៀតផង។

ក្រៅពីនេះ ម្ចាស់ជយលាភីនៅទទួលបានរង្វាន់ម៉ូតូហុងដា ២០១៥ ចំនួន១គ្រឿង និងស្រាបៀកម្ពុជា ២០កេសទៀត។ ដោយឡែកអ្នកមិនបានជាប់ជយលាភីវិញ ក៏ទទួលបានម៉ូតូហុងដាម្នាក់មួយគ្រឿង ស្រាបៀកម្ពុជា ២០កេសដែរ បូករួមនឹងទឹកប្រាក់ចំនួន ១០០០ដុល្លារសហរដ្ឋអាមេរិកពីកម្មវិធីទៀត៕

អត្ថបទ៖ កែវ ប៊ុនធា បេក្ខជន The Voice Cambodia ធ្វើសំណង់៣ថ្ងៃយកលុយជិះឡានមកសុំគេច្រៀង

អត្ថបទ៖ផ្សេងទៀតពាក់ព័ន្ធ The Voice Cambodia ចុចទីនេះ...!!!

អត្ថបទ៖ ទារិកា