ឧស្សាហ៍ក្តៅភ្នែកជាសញ្ញាជំងឺនេះហើយ កុំសម្ងំបន្តក់ថ្នាំទៀត គួររួសរាន់ព្យាបាល

2019-01-23 07:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំងឺភ្នែកស្ងួត ឬហៅថា Sécheresse oculaire ជាជំងឺដែលអាចកើតមាននៅលើមនុស្សគ្រប់វ័យ។ ភ្នែកស្ងួតនេះ មាន៥% ទៅ ៣៥% នៃប្រជាជនទាំងអស់។

ចំពោះប្រជាជននៅអាស៊ីមាន៣៣% ច្រើនជាងនៅតំបន់ផ្សេងៗ ហើយភាគច្រើនកើតមានលើមនុស្សដែលមានអាយុលើសពី៥០ឆ្នាំឡើង (មនុស្សស្រីច្រើនជាងមនុស្សប្រុស)។ នេះបើតាមការបញ្ជាក់ពីហ្វេសប៊ុកផេក របស់មន្ទីរពេទ្យកាល់ម៉ែត។

រូបតំណាង

ទំព័រដដែល ក៏បានបញ្ជាក់ពីចំណុចសំខាន់ៗ គួរប្រុងប្រយ័ត្ន នៃជំងឺភ្នែកស្ងួត ដូចខាងក្រោមនេះ ៖

១. រោគសញ្ញា

មានអារម្មណ៍ដូចឈឺចាក់ៗក្នុងភ្នែក
ក្រហាយក្នុងភ្នែក

រូបតំណាង

រមាស់ក្នុងភ្នែក
មានអារម្មណ៍ដូចមានក្រាប់ខ្សាច់ក្នុងភ្នែក
មានការឈឺចាប់ខ្លះ
ស្រវាំងភ្នែក
ចាញ់ពន្លឺថ្ងៃ
ហៀរទឹកភ្នែក

២. ជំងឺភ្នែកស្ងួតបណ្ដាលមកពី

រូបតំណាង

កត្តាជាច្រើនដែលមាននៅលើផ្ទៃភ្នែក(Surface oculaire)
បណ្ដាលមកពីការខ្វះលំហូរទឹកភ្នែក និងអមជាមួយបញ្ហាភ្នែកមួយចំនួនទៀត
លំហូរទឹកភ្នែកគ្មានលំនឹង
មានរលាកផ្ទៃគ្រាប់ភ្នែក
មានការខូចខាតប្រព័ន្ធប្រសាទនៃការបង្កើតទឹកភ្នែក (abnormalie neurosensoriel) ដែលមានតួនាទីក្នុងការធានាទឹកភ្នែកនៅលើផ្ទៃគ្រាប់ភ្នែក។

៣. មូលហេតុដែលនាំឲ្យមានជំងឺភ្នែកស្ងួត

14% មានទឹកភ្នែកមិនគ្រប់គ្រាន់ដោយសារខ្វះខាតទឹកភ្នែកបណ្ដោះអាសន្ន
86% អ្នកជំងឺមានទឹកភ្នែកធម្មតា តែទឹកភ្នែកនោះគ្មានគុណភាព(Larmes de mauvaise qualité)
បណ្ដាលមកពីមានការរលាករ៉ាំរ៉ៃនៃត្របកភ្នែក(inflammation chronique des paupière;Blépharite)
ការស្ងួតភ្នែកដោយសារមានរំហួតទឹកភ្នែក (Sécheresse evaporative par déficit lipidique) ដូចជា៖

• ការសម្លឹងកុំព្យូទ័រយូរ

• មើលទូរទស្សន៍នៅក្រោមកម្ដៅថ្ងៃ នៅក្នុងបន្ទប់ម៉ាស៊ីនត្រជាក់ នៅក្រោមកង្ហារ។ល។

ប្រភពអត្ថបទ៖ ហ្វេសប៊ុកផេកមន្ទីរពេទ្យកាល់ម៉ែត

អត្ថបទ៖ ពៅ រក្សា