តោះ! មកដឹងប្រភេទទម្ងន់កំពុងត្រូវប៉ាន់លេងខ្សែក្រវាត់ និងពានជាងគេពេលបច្ចុប្បន្ន

2019-01-24 08:42:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងមួយសប្ដាហ៍ៗមានកម្មវិធីប្រកួតប្រដាល់គុនខ្មែរច្រើនរហូតដល់ទៅជាង ១០កម្មវិធី តាមបណ្ដាស្ថានីយទូរទស្សន៍ចំនួនក្នុងស្រុក។ ដែលការប្រកួតទាំងនោះ ខ្លះជាការប្រកួតមិត្តភាពអន្តរជាតិ ការប្រកួតដណ្ដើមខ្សែក្រវាត់ ការប្រកួតដណ្ដើមពានរង្វាន់ និងមិត្តភាពជាតិ និងជាតិជាដើម។ ដោយឡែកមួយរយៈពេលចុងក្រោយនេះ គេមើលឃើញថា ប្រភេទទម្ងន់ដែលពេញនិយម និងត្រូវប៉ាន់ក្នុងការដាក់ឲ្យលេងពាន ឬខ្សែក្រវាត់ជាងគេនោះគឺ ៥៧ និង ៦០គីឡូក្រាម។

ជាងស្ដែងដូចជាសង្វៀនបាយ័ន កម្មវិធីខ្សែក្រវាត់ខារាប៉ាវ ទម្ងន់៦០គីឡូក្រាម ទើបបញ្ចប់ដោយបានទៅលើ ឡៅ ចិត្រា ចំណែកសង្វៀន CNC ក៏ទើបបញ្ចប់ដែរពាន ISI ទម្ងន់ ៥៧គីឡូក្រាម បានទៅលើ ឈិន សេរីវណ្ណថង រីឯសង្វៀនប៉ុស្តិ៍លេខ៥ កំពុងដំណើរការប្រកួតទម្ងន់ ៥៧គីឡូក្រាម ពានរង្វាន់ TV5 Knock Out Series និងឈានជិតដល់ពាក់កណ្ដាលផ្ដាច់ព្រ័ត្រហើយ។ ចំពោះសង្វៀនអាស៊ីអាគ្នេយ៍វិញកំពុងចាប់ដំណើរការកម្មវិធីថ្មីៗនេះទៀតគឺ ៥៧គីឡូក្រាមគឺខ្សែក្រវាត់ខារាប៉ាវ និង ៦០គីឡូក្រាមខ្សែក្រវាត់ Wurkz៕