Apple ទំនងនឹងចេញកាសទំហំធំឆ្នាំនេះ

2019-01-29 22:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ming-Chi Kuo អ្នកវិភាគដ៏មានឥទ្ធិពលលើផលិតផល Apple ដែលជាមនុស្សដំបូងរាយការពីកាសខ្លប់ត្រចៀករបស់ Apple បានលើកឡើងថា កាសជំនាន់ចុងក្រោយរបស់ Apple ស្រួលប្រើដូចនឹង AirPods ហើយគុណភាពសំឡេងល្អប្រសើរជាង។

នៅលើគេហទំព័រ Bloomberg លោក Mark Gurman បានបង្ហាញថា Apple ចាប់ផ្តើមគម្រោងចេញកាសនេះត្រឹមចុងឆ្នាំ ២០១៨ ប៉ុន្តែត្រូវលើកពេលទៅដើមឆ្នាំ ២០១៩ ក្រោយជួបផលពិបាកដំណាក់កាលផលិត។

កាសនោះនឹងប្រើ Logo Apple ជាជាង Beat និងបំពាក់ Chip W1 ជំនាន់បន្ទាប់ ដូចដែល AirPod ប្រើ ដើម្បីបន្តភ្ជាប់នឹងឧបករណ៍ Apple។

ឆ្នាំ ២០១២ Apple បានបញ្ចេញកាសខ្សែ (Earbuds) ច្រើនជាង ១,២ ពាន់លានគ្រឿង ដែលប្រើភ្ជាប់ជាមួយរាល់ iPod និង iPhone។ Apple បានរចនារូបរាងថ្មីកាសខ្សែ (EarPods) និងបន្តមកកាសឥតខ្សែ (AirPods) នៅឆ្នាំ ២០១៦។ ការវិវត្តន៍កាសទាំងនេះ បន្ថែមមុខងារថ្មីៗគ្រប់គ្រងសំឡេង សុទ្ធតែទទួលបានការគាំទ្រ ហើយក៏បញ្ជាក់ថា មិនមានអ្វីថ្មីចំពោះ Apple ទាក់ទងនឹងជំនួញនេះដែរ។

កាសនេះ នឹងមានការគាំទ្រ ហើយក៏ថ្លៃដែរ ប៉ុន្តែប្រព័ន្ធ Ecosystem របស់ Apple ជាចំណុចខ្លាំង ដែលក្រុមហ៊ុនបច្ចេកវិទ្យាភាគច្រើន មិនទាន់ដល់។ ផលិតផល Apple នីមួយៗចេញមក ធ្វើការយ៉ាងល្អជាមួយផលិតផល Apple ដទៃទៀត៕