Apple ចេញផលិតផលណែនាំឲ្យទិញជាអំណោយក្នុងថ្ងៃចូលឆ្នាំចិន ក្នុងនោះមានកាស Beats ពិសេសប្លែកគេមួយដែរ

2019-02-05 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ឱកាសបុណ្យចូលឆ្នាំចិននេះ Apple ក្រុមហ៊ុនបច្ចេកវិទ្យាយក្សរបស់អាមេរិក ក៏មិនភ្លេចពីព្រឹត្តិការណ៍ពិសេសនៃរបស់ទីផ្សារធំបំផុតរបស់ខ្លួនដែរ ពោលគឺខ្លួនបានបញ្ចេញជាការណែនាំ សម្រាប់អ្នកដែលចង់ទិញផលិតផលរបស់ខ្លួន និងដៃគូសហការ ជាអំណោយដល់ក្រុមគ្រួសារ និងមនុស្សជាទីស្រឡាញ់។

នៅក្នុងការណែនាំនោះ គេសង្កេតឃើញមានផលិតផលថ្មីមួយ ដែល Apple បញ្ចេញជាពិសេសសម្រាប់ឱកាសនេះ គឺកាស Beats Solo 3 Wireless ដែលរចនាមកមានរូបព្រីនពិសេសពណ៌ប្រផេះ ដែលមានឈ្មោះថា "Silver Wing Grey” ជាកាសដែលចេញលក់ផ្ដាច់មុខប្រភេទ Special Editionសម្រាប់តែប្រទេសចិនតែប៉ុណ្ណោះ ដែលមានតម្លៃ ២ ២៦៨ យាន់ (៣៣០ ដុល្លារអាមេរិក)។

នៅក្នុងការណែនាំសម្រាប់ទិញអំណោយ ក្នុងឱកាសបុណ្យចូលឆ្នាំចិននេះដែរនោះ Apple ក៏បានរាយឈ្មោះផលិតផលនានារបស់ខ្លួនជាច្រើនផងដែររួមមាន iPhone XS Max, iPhone XR, Apple Watch និង iPad Pro ហើយក៏មានផលិតផលដៃគូរបស់ខ្លួនដែរមានដូចជា ម៉ាស៊ីនព្រីនរូប Lifeprint និង កាមេរ៉ាទប់លំនឹងពេលថតវីដេអូ DJI Osmo។

គួរបញ្ជាក់ផងដែរថា Apple តែងតែបញ្ចេញផលិតផល Special Edition របស់ខ្លួន ជាពិសេសនៅលើកាស Wireless ដ៏ពេញនិយមរបស់ខ្លួនគឺ Beats Solo 3 ដែលមុននឹងព្រឹត្តិការណ៍ចូលឆ្នាំចិននេះ Apple បានបញ្ចេញកាស Beats Solo 3 ដែលមានរូបMicky Mouse សម្រាប់ជាខួប ៩០ ឆ្នាំរបស់គំនូរជីវចលដ៏ល្បីរបស់ Disney មួយនេះ។

ចុចអាន៖

ប្រភព៖ Geek.com ប្រែសម្រួល៖ ផាត សុវត្ថិ