Man United បរាជ័យក្នុងដីខ្លួនឯងហើយ Pogba បានកាតក្រហមទៀត
- 2019-02-13 00:21:51
- ចំនួនមតិ 0 | ចំនួនចែករំលែក 0
Man United បរាជ័យក្នុងដីខ្លួនឯងហើយ Pogba បានកាតក្រហមទៀត
ចន្លោះមិនឃើញ
បិសាចក្រហម Manchester United បានចាញ់ក្រោមថ្វីជើងភ្ញៀវ Paris Saint Germain ដោយលទ្ធផល០-២ ជើងទី១នៃ Champions League វគ្គ១៦ក្រុមចុងក្រោយ ខណៈម្ចាស់ផ្ទះ Roma ទទួលបានជ័យជម្នះលើក្រុម FC Porto ដោយលទ្ធផល ២-១។
នៅវគ្គទី១ ទាំងម្ចាស់ផ្ទះ Man United និងភ្ញៀវ PSG រក្សាដោយលទ្ធផលស្មើ ០-០ ទោះជាព្យាយាមរៀងៗខ្លួន ប៉ុន្តែអ្វីគួរឲ្យកត់សំគាល់គឺម្ខាងទទួលបានកាតលឿង២ដូចគ្នា។ ចូលវគ្គទី២ ក្រុមភ្ញៀវពិតជាលេងបានល្អទាំងការដាក់សម្ពាធដណ្តើមយកបាល់ និងវាយលុកតំបន់ប្រយុទ្ធ។ នាទី៥៣ Kimpembe ស៊ុតគ្រាប់បាល់នាំមុខ និងនាទីទី៦០ កីឡាករឆ្នើមវ័យក្មេង Mbappe ស៊ុតបានគ្រាប់ទី២។ ទាំងពីរគ្រាប់នេះ Di Maria ជាអ្នកបញ្ជូនបាល់ឲ្យ។
រឹតតែធ្ងន់សម្រាប់បិសាចក្រហមទៀតនោះគឺខ្សែបម្រើកណ្តាល Paul Pogba ទទួលបានកាតក្រហមបណ្តេញពីទីលាននៅនាទី៨៩ បន្ទាប់ពីទទួលបានកាតលឿងជាលើកទី២។ ការប្រកួតនេះអាជ្ញាកណ្តាលជនជាតិអ៊ីតាលី លោក Daniele Orsato បានចាយកាតលឿនចំនួន១០ និងកាតក្រហម១។