ហួសចិត្ត! បុរសម្នាក់ពាក់ស្រោមមុខទៅទទួលលុយឈ្នះឆ្នោត ១លានដុល្លារ ព្រោះហេតុផល១
- 2019-02-13 02:15:55
- ចំនួនមតិ 0 | ចំនួនចែករំលែក 0
ហួសចិត្ត! បុរសម្នាក់ពាក់ស្រោមមុខទៅទទួលលុយឈ្នះឆ្នោត ១លានដុល្លារ ព្រោះហេតុផល១
ចន្លោះមិនឃើញ
បុរសជនជាតិចាម៉ៃកាម្នាក់ បានមកទទួលលុយជាង១លានដុល្លារក្រោយឈ្នះឆ្នោតដោយពាក់ស្រោមមុខខ្មោចគួរឲ្យភ្ញាក់ផ្អើលបំផុត។
យោងតាម Distractify បុរសរូបនេះបានរង់ចាំអស់រយៈពេល ៥៤ថ្ងៃដើម្បីមកបើកលុយដែលឈ្នះឆ្នោតរបស់លោកមានចំនួនសរុប ១,១៧លានដុល្លារពីឆ្នោតជាតិ Super Lotto។ ប៉ុន្តែលោកបានសម្រេចចិត្តថាមកបើកប្រាក់រង្វាន់ដោយលាក់អត្តសញ្ញាណព្រោះហេតុផលថា "មិនចង់ឲ្យសាច់ញាតិដែលឃ្លានលុយខ្លាំង មកសុំលុយពីលោកនោះទេ។”
យ៉ាងណាមិញ បុរសរូបនេះឲ្យដឹងថារូបគេនឹងយកលុយទៅទិញផ្ទះថ្មីដែលខ្លួនប្រាថ្នាជាយូរមកហើយ និងពង្រីកអាជីវកម្មតូចរបស់ខ្លួន។ ជាមួយគ្នា រូបភាពដ៏គួរឲ្យអស់សំណើចនេះ បានទាក់ទាញការចាប់អារម្មណ៍យ៉ាងខ្លាំងពីបណ្ដាញសង្គមផងដែរ៕