U22 កម្ពុជា បើឈ្នះល្ងាចនេះ នឹងឡើងប៉ះវៀតណាម ឬថៃហើយ

2019-02-20 04:05:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ក្រោមអាយុ២២ឆ្នាំកម្ពុជា បើឈ្នះក្រុម U22 មីយ៉ាន់ម៉ានៅល្ងាចនេះ នឹងឡើងវគ្គពាក់កណ្ដាលផ្ដាច់ព្រ័ត្រហើយ អាចប៉ះក្រុមថៃឬវៀតណាម។

U22 កម្ពុជា នឹងតតាំងជាមួយក្រុម U22 មីយ៉ាន់ម៉ា នៅម៉ោង៦:៣០នាទីល្ងាចនេះក្នុងការប្រកួត AFF U22 Championship 2019 ។ ការប្រកួតកន្លងទៅ ក្រុមកម្ពុជាទទួលបានជ័យជម្នះ១ប្រកួតហើយគឺឈ្នះក្រុមម៉ាឡេស៊ី១-០ យកបាន៣ពិន្ទុ។ ខណៈដែលការប្រកួតបើកឆាកនោះ មីយ៉ាន់ម៉ា ស្មើឥណ្ឌូណេស៊ី ១-១ ទទួលបានម្នាក់១ពិន្ទុ។ ដូច្នេះហើយ មើលតាមលទ្ធផលនេះ ប្រសិនបើក្រុមកម្ពុជាប្រកួតទី២ អាចយកឈ្នះលើមីយ៉ាន់ម៉ាបាន នោះពួកគេនឹងកក់កៅអីវគ្គ៤ក្រុមចុងក្រោយរួចជាស្រេច។

បើបានឡើងទៅមែន ក្រុមកម្ពុជានឹងអាចប៉ះក្រុមវៀតណាមឬថៃ ដែលស្ថិតនៅពូល A ត្បិតអី២ក្រុមនេះបានឡើងទៅវគ្គពាក់កណ្ដាលផ្ដាច់ព្រ័ត្រហើយ ឆ្លងកាត់២ប្រកួតកន្លងទៅ មាន៦ពិន្ទុពេញ។ ដោយប្រកួតចុងក្រោយ ថៃប៉ះវៀតណាម គ្រាន់តែជាប្រកួតយកលេខ១និងលេខ២ក្នុងពូលប៉ុណ្ណោះ៕

អត្ថបទ៖ មុន្នីរម្យ