Qualcomm ព្រមជួយ Apple បើចង់ផលិត iPhone 5G
- 2019-04-08 08:11:49
- ចំនួនមតិ 0 | ចំនួនចែករំលែក 0
Qualcomm ព្រមជួយ Apple បើចង់ផលិត iPhone 5G
ចន្លោះមិនឃើញ
ការចេញផ្សាយកាលពីពេលកន្លងទៅនេះ បានឲ្យដឹងថា Apple កំពុងស្ថិតក្នុងស្ថានភាពលំបាកក្នុងការបន្ថែមសេវា 5G លើស្មាតហ្វូនរបស់ខ្លួន ដោយសារតែ Intel និង Samsung មិនព្រមលក់ Modem 5G ឲ្យ។
ពេលនេះលោក Cristiano Amon ដែលជាប្រធានក្រុមហ៊ុន Qualcomm បានចេញមុខនិយាយអំពីស្ថានភាពលំបាករបស់ Apple ខណៈពេលដែលក្រុមហ៊ុនទាំងកំពុងមានជម្លោះផ្លូវច្បាប់រវាងគ្នា។ លោក Amon បាននិយាយថា "មិនដឹងថាគួរមានយោបល់បែបណាទេអំពីសកម្មភាព Apple” ហើយនិយាយថា វាជារឿងប្រថុយប្រថានបំផុតប្រសិនមិនប្រញាប់ចេញឧបករណ៍ 5G ទេនោះ។
លោកបានបន្ថែមទៀតថា "ក្រុមហ៊ុនយើងនៅតែស្ថិតនៅក្នុងទីក្រុង San Diego ហើយ Apple មានលេខទូរសព្ទរបស់យើង។ ប្រសិនបើពួកគេតេមក យើងនឹងជួយពួកគេ”។
ប្រធានរូបនេះបាននិយាយទៀតថា 4G បានកែប្រែការស្ដាប់ចម្រៀងរបស់មនុស្ស ដោយបច្ចុប្បន្នគ្រប់គ្នាស្ដាប់ចម្រៀងដោយប្រើ 4G មិនទិញឌីសដូចមុន ហើយជាមួយ 5G វានឹងធ្វើបែបនេះដាក់វីដេអូវិញម្ដង៕
ចុចអាន៖