យកទៅជិះរុកព្រៃអ៊េមណាស់ Yamaha Y15ZR v2 ស៊េរី ២០១៩

2019-04-09 06:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងចែកចាយម៉ូតូ Yamaha Motor Sdn ប្រទេសម៉ាឡេស៊ីបានប្រកាសចេញលក់ម៉ូតូ Yamaha Y15ZR v2 ស៊េរីឆ្នាំ ២០១៩ កាលពីថ្ងៃទី ៥ ខែមេសា។ តំណាងចែកចាយខាងលើក៏បានផ្ដល់ជម្រើស កក់ទុកមុនបានផងដែរ។

រូបភាព៖ paultan.org

ម៉ូតូជំនាន់ ២ នៃស៊េរី Y15ZR នេះមានកម្លាំងម៉ាស៊ីន ១៥០ សេសេ។ ចំពោះមុខងារថ្មីដែលបន្ថែមដូចជា ការរចនាអំពូលបំភ្លឺផ្លូវខ្ពស់ជាងមុន ប្រើអំពូល LED ភ្លឺច្បាស់ និងបន្ថែមអំពូលជំនួយបើកពេលយប់ផងដែរ។

រីឯកុងទ័របង្ហាញដំណឹងបែបឌីជីថល រចនារាងតូចជាងមុន និងពង្រីកលើទំហំកង់(90/80-17) ដើម្បីធានាដល់ការបើកបានស្រួលជាងមុន។

ម៉ូតូសំណព្វចិត្តអ្នកចូលចិត្ត Off-road នេះមានជម្រើសពណ៌ ៤ គឺ ខៀវសុទ្ធ ខៀវលាយខ្មៅ ក្រហម និងពណ៌ប្រផេះ។ ម៉ូតូ Y15ZR មានតម្លៃចាប់ផ្ដើមគឺប្រមាណជា ១៩៩៩ ដុល្លារ។ តម្លៃនេះមិនទាន់គិតពន្ធផ្លូវ ផ្លាកលេខនិងការធានារ៉ាប់រងផ្សេងៗនោះទេ៕