ឆ្កែនេះចេះសណ្ដំចិត្តមនុស្ស ជឿអត់?

2014-11-17 19:17:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្កែឈ្មោះថា Princess មួយក្បាល ត្រូវគេចាត់ទុកថា ជាឆ្កែសណ្ដំចិត្តមនុស្សតែ១គត់ នៅលើពិភពលោក ហើយវាបានបង្ហាញជំនាញសណ្ដំ លើឆាកសម្ដែងអស់ពេលពីរឆ្នាំមកហើយ។

បើយោងតាមនាង Lennon ជាម្ចាស់បានឱ្យដឹងថា Princess អាចធ្វើឱ្យមនុស្សងងុយគេង តាមរយៈការសម្លឹងភ្នែក ដែលមិនទាន់មានឆ្កែណា អាចធ្វើបាននៅឡើយ។ "បើតាមខ្ញុំដឹង វាជាសុនខចេះសណ្ដំចិត្តមនុស្សតែមួយគត់នៅអង់គ្លេស ថែមទាំងលើពិភពលោកផងដែរ"។

ទោះបីជាយ៉ាងណា ក្រោយទទួលបានដំណឹងនេះ មនុស្សជាច្រើនហាក់មានការសង្ស័យ។ "គេអត់ជឿថា ឆ្កែអាចធ្វើរឿងអីចឹងទេ តែពេលឃើញផ្ទាល់ ទើបពួកគេភ្ញាក់ផ្អើល រកនិយាយមិនចេញ។ ពួកគេថា វាជាតុក្កតាមិនមែនជាឆ្កែពិតទេ"។

យ៉ាងណាអ្នកជំនាញខាងសត្វឆ្កែ បានបដិសេធន៍អំពីរឿងនេះ។ លោក Stan Rawlinson ថា ឆ្កែអាចបន្ធូរអារម្មណ៍មនុស្សបាន តែមិនអាចសណ្ដំមនុស្សបានឡើយ។ " វាជាអ្វីដែលម្ចាស់ឆ្កែ ជាអ្នកសណ្ដំតាមរយៈសកម្មភាព និងសំឡេងទៅវិញទេ មិនមែនឆ្កែឡើយ"។

អ្វីដែលគួរឱ្យចាប់អារម្មណ៍ គឺនាង Lennon ជាក្មួយស្រីរបស់លោក Hugh Lennon ដែលជាមនុស្សដំបូងគេបង្កើតកម្មវិធី Hypnodog Show ជាមួយសត្វចិញ្ចឹមឈ្មោះ Oscar របស់គាត់ ក្នុងឆ្នាំ១៩៨៩។ ពូរបស់នាង បានចូលនិវត្តន៍ ដោយសារបញ្ហាសុខភាព តែលោកនៅតែបន្តឱ្យកម្មវិធីមួយនេះដដែល។

នាង Lennon និយាយថា៖ "ខ្ញុំបានជួយ Hugh ផ្នែកភ្លើង និងភ្លេង ពេលខ្ញុំនៅតូច ដូច្នេះខ្ញុំបានឃើញសកម្មភាពរាប់រយ មុនពេលខ្ញុំរៀនចេះ"។

ពេលនេះ Lennon និង Princess កំពុងធ្វើដំណើរកម្សាន្តក្នុងប្រទេសអង់គ្លេស ហើយសម្ដែងក្នុងព្រឹត្តិការណ៍ តាមសាកលវិទ្យាល័យផ្សេងៗគ្នា ហើយនាងនឹងទៅឌូបៃ អូស្ត្រាលីឆ្នាំក្រោយ៕

រួមភេទរួចហើយ ដល់ពេលជិតយកកូន ទើបដឹងថាបុរសសង្សារជាស្រី តែ…

ដោយសារភាពស្មោះត្រង់ តាសុំទានម្នាក់ ទទួលប្រាក់ ១០០០ ដុល្លារ

ប្រែសម្រួល ៖ អ៊ុំ សុភក្តិ ប្រភព៖ Odditycentral