Hazard សារភាពថា ខ្លួនជាអ្នកគាំទ្រ Zidane

2019-04-12 11:31:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាបាល់ទាត់ក្លឹប Chelsea កីឡាករ Eden Hazard បានប្រាប់សារព័ត៌មាន RMC Sport ថា ខ្លួនជាអ្នកគាំទ្រមួយរូបរបស់គ្រូបង្វឹកក្លឹប Real Madrid លោក Zinedine Zidane ប៉ុន្តែខ្លួនបដិសេធមិននិយាយពីរឿងអនាគតរបស់ខ្លួនឡើយ។

ខ្សែស្លាបបែលហ្សិករូបនេះបាននិយាយថា៖ " ខ្ញុំមិនមែនជាកីឡាកររបស់ Real Madrid ទេ តែខ្ញុំជាអ្នកគាំទ្រមួយរូបរបស់ Zidane។ ខ្ញុំសប្បាយចិត្តណាស់នៅពេលដែលឃើញគាត់ត្រលប់មកវិញ (ត្រលប់មកដឹកនាំក្លឹប Real Madrid) ដោយសារតែបាល់ទាត់ត្រូវការមនុស្សដូចរូបគាត់ " ។

Hazard បានបន្តថា៖ " សម្រាប់ Real និងអ្នកគាំទ្រ Real វាជារឿងល្អមួយ តែសម្រាប់ក្រុមផ្សេងវិញដូចជាមិនមែនជាដំណឹងល្អប៉ុន្មានទេ ព្រោះអី Real Madrid ក្រោមការដឹកនាំរបស់ Zinedine Zidane ច្រើនតែឈ្នះ ដូច្នេះហើយវាអាចនឹងពិបាកសម្រាប់ក្រុមដទៃទៀត " ។

ចំពោះរឿងអនាគតរបស់ខ្លួន កីឡាកររូបនេះបដិសេធក្នុងការនិយាយ ហើយប្រាប់ថារូបគេចង់ប្រើប្រាស់រយៈពេល ១ខែចុងក្រោយនេះ ដើម្បីជួយ Chelsea ឈ្នះពាន Europa League ហើយមានកៅអីទៅលេងក្នុង Champions League។

សូមបញ្ជាក់ផងដែរថា ក្នុងរដូវកាល ២០១៨/១៩នេះដែរ Hazard បានរកគ្រាប់បាល់ឲ្យ Chelsea ១៩គ្រាប់ Assist ១២ដង ក្នុងការបង្ហាញខ្លួន ៤៣លើក គ្រប់កម្មវិធីរបស់ក្លឹប៕

អានបន្ត៖

Zidane ប្រាប់ពីបញ្ហាដែល Real កំពុងជួបប្រទះ

Hazard បាញ់ Spurs ម៉ាឆ្ងាញ់ថា ក្លឹបមួយនេះមានស្តាតថ្មី តែមិនទាន់ឈ្នះពានអីធំដុំទេ

Zidane ឆ្លើយតបការរិះគន់រឿងដាក់កូនខ្លួនចូលលេង

ប្រភព៖ Goal អត្ថបទ៖ សេរី មង្គល