បើកឆាកប្រកួតដំបូង ចាន់ ប៊ុនហឿន ប៉ះកីឡាករជួបថែម យប់ថ្ងៃសុក្រនេះ

2019-04-25 07:46:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មុខមិនសូវញញឹម ចាន់ ប៊ុនហឿន នឹងត្រូវឡើងប្រកួតជុំទី១ បើកឆាកវគ្គសន្សំពិន្ទុខ្សែក្រវា់តគូបូតា យប់ថ្ងៃសុក្រស្អែកនេះហើយនៅសង្វៀនបាយ័ន ដោយត្រូវប៉ះជាមួយអ្នកប្រដាល់ឆ្លងដែនពីថៃ ហ្វានិមិត្ត ឬជួបថែម។

កីឡាករ ចាន់ ប៊ុនហឿន

កម្មវិធីប្រកួតដណ្ដើមខ្សែក្រវាត់គូបូតា រដូវកាលទី១០ ចាប់ផ្ដើមពីស្អែកនេះហើយ ដោយកីឡាករ ចាន់ ប៊ុនហឿន ប៉ះ ហ្វានិមិត្ត និង រិទ្ធ ភូលូ ប៉ះ ប្រាកាយផេត លើប្រភេទទម្ងន់ ៦៣,៥គីឡូក្រាមនៅសង្វៀនបាយ័នស្ទឹងមានជ័យ។

ហ្វានិមិត្ត ពេលចាញ់ ប៊ុនហឿន លើកមុន

ប៊ុនហឿន និង ហ្វានិមិត្ត គឺសមត្ថភាពមិនសូវជាខុសគ្នាប៉ុន្មានទេ មិនដូចកាលប៉ះ ឈោកឆៃ នោះឡើយ។ រវាងអ្នកទាំងពីរនេះស្នៀតប្រយុទ្ធ និងបច្ចេកទេសប្រហាក់ប្រហែលគ្នា ប៉ុន្តែកីឡាករកម្ពុជាមានប្រៀបបន្តិចត្រង់កម្ពស់។ កូនសិស្សលោក ឯម វុត្ថា រូបនេះគឺមានផ្លែធ្ងន់ល្អ មិនថាការទាត់ ម៉ាត់ ឬចាប់វ៉ៃជង្គង់នោះឡើយ ប៉ុន្តែនៅយឺតបន្តិច។ ចំណែក ហ្វានិមិត្ត វិញស្នៀតទាត់រហ័ស និងពូកែចាប់វ៉ៃជង្គង់ផងដែរ តែចំណុចអាក្រក់មួយរបស់កីឡាករថៃរូបនេះ គឺពូកែថែមនៅពេលដៃគូដួល។ យ៉ាងណាមិញអ្នកលេងគុនថៃខាងលើនេះធ្លាប់សន្លប់ម្ដងហើយរបស់ ប៊ុនហឿន ហើយការប៉ះគ្នាថ្មីនេះ ប្រហែសអាចនឹងសន្លប់ម្ដងទៀត។