អ្នកចាំទី២រូបដែលធ្លាប់ឈ្នះពានកីឡាករឆ្នើមប្រចាំឆ្នាំ EPL តែស្ទើរត្រូវគេបំភ្លេច

2019-04-27 04:57:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករដែលឈ្នះពានឆ្នើមប្រចាំឆ្នាំរបស់ក្របខ័ណ្ឌ Premier League ប្រហែលជាត្រូវបានគេចងចាំតែក្នុងសម័យកាលដែលពួកគេកំពុងលេចធ្លោប៉ុណ្ណោះ ហើយប្រសិនបើម្ចាស់ពានជាខ្សែការពារ ឬ អ្នកចាំទីទៀតរឹតតែឆាប់ត្រូវបានគេបំភ្លេច។

ខាងក្រោមនេះអ្នកចាំទី២រូបដែលធ្លាប់ឈ្នះពានកីឡាករឆ្នើមប្រចាំឆ្នាំរបស់ក្របខ័ណ្ឌ Premier League នៅដើមសតវត្សទី២១៖

១ Tim Howard (ធីម ហាវើដ) Manchester United ២០០៣/០៤

Tim Howard អ្នកចាំទីសញ្ជាតិអាមេរិក ដែលបានប្រើពេលវេលាដ៏ត្រចះត្រចង់១៣រដូវកាលនៅអង់គ្លេស និង ឈ្នះពានជាច្រើន ប៉ុន្តែអតីតអ្នកចាំទីរបស់ក្រុមបិសាចក្រហមធ្លាប់បានជាពានកីឡាករឆ្នើមប្រចាំឆ្នាំរបស់ក្របខ័ណ្ឌ Premier League នៅក្នុងរដូវកាល២០០៣/០៤។

Howard សង្គ្រោះបាល់៣១គ្រាប់ ក្នុងចំណោមការប្រកួតចំនួន ៣២នៅសម័យនោះ។

២ David James (ដេវីដ ជេម) ក្រុម Portsmouth ២០០៧/០៨

David James ត្រូវបានជ្រើសរើសជាកីឡាករឆ្នើមប្រចាំឆ្នាំ នៅពេលដែលអ្នកចាំទីរបស់ក្រុម Portsmouth រូបនេះមានអាយុ៣៧ឆ្នាំទៅហើយនៅត្រូវបានក្រុមជម្រើសជាតិអង់គ្លេសកោះហៅឲ្យចូលទៅជំនួស Paul Rominson ដែលបង្កឲ្យមានកំហុសឆ្គងបាត់បង់តំណែងពីក្រុមជម្រើសជាតិ។ អ្នកដែលបានតាមដានបាល់ទាត់នៅជំនាន់នោះប្រាកដជាស្គាល់ David James ដែលជាកំពូលអ្នកចាំទីស័ក្ដិសមនឹងទទួលពានកីឡាករឆ្នើមប្រចាំឆ្នាំ។

រីឯ Portsmouth ដែលកាលជំនាន់នោះគឺជាក្រុមដ៏ខ្លាំងមួយនៅ English Premier League។ បញ្ចប់ចំណាត់ថ្នាក់ចុងរដូវកាលលេខ៨ ល្អជាង Man City បានលេខ៩ និង Spurs បានលេខ១១ទៅទៀត។

ប៉ុន្តែ Portsmouth កំពុងលេងនៅលីគទី៣របស់អង់គ្លេសដោយឈរចំណាត់ថ្នាក់លេខ៣ ដោយសង្ឃឹមនឹងបានឡើងមកលេងនៅលីគលំដាប់ទី២វិញនៅរដូវកាលក្រោយ៕

អាន៖ ហេតុអ្វីបានជា Messi, Neymar និងកំពូលកីឡាករខ្លះជ្រើសរើសក្រុមគ្រួសារធ្វើជាភ្នាក់ងារ

អាន៖ ក្លឹបណាខ្លះជុំវិញពិភពលោក ដែលគ្រប់គ្រងដោយ Manchester City?

ប្រភព៖ Four Four Two ប្រែសម្រួល៖ សុខ លាងហ៊ត