De Gea ក្នុងឆ្នាំនេះពិតជាធ្លាក់ទឹកដៃមែនទែន បើធៀបនឹងស្ថិតិក្នុងឆ្នាំមុន

2019-04-26 10:53:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរដូវកាល ២០១៨/១៩នេះ អ្នកចាំទីក្លឹប Manchester United កីឡាករ David De Gea ធ្លាក់ទម្រង់លេងយ៉ាងគំហុកតែម្ដង បើធៀបនឹងស្ថិតិរដូវកាលមុននៅក្របខ័ណ្ឌ Premier League។

កាលពីរដូវកាល ២០១៧/១៨ អ្នកចាំទីអេស្ប៉ាញរូបនេះបានបង្ហាញខ្លួន ៣៧លើកក្នុងប្រកួតលីគអង់គ្លេស តែរបូតគ្រាប់បាល់ ២៨គ្រាប់ ខណៈរដូវកាលនេះ បង្ហាញខ្លួនបាន ៣៥ប្រកួត (នៅសល់ ៣ប្រកួតទៀត) របូតគ្រាប់បាល់ដល់ទៅ ៥០គ្រាប់។

បើនិយាយពីគ្រាប់បាល់ក្រៅប្រអប់វិញ កាលពីរដូវកាលមុន កីឡាកររូបនេះបណ្ដោយឲ្យចូលតែ ៣គ្រាប់ប៉ុណ្ណោះ ហើយក្នុងរដូវកាលនេះ គ្រាប់បាល់ដែលកើតចេញពីការស៊ុតក្រៅប្រអប់មាន ៨គ្រាប់ ច្រើនជាងរដូវកាលមុន ៥គ្រាប់។

កីឡាកររូបនេះទប់បាន Clean Sheet បានតែ ៧ដងទេ ក្នុងរដូវកាល ២០១៨/១៩នេះ ចំណែកឯរដូវកាលមុនវិញ អ្នកចាំទីរូបនេះទប់បាន ១៨ដង៕

អានបន្ត៖