ជំនួប Derby ស៊ីសាច់ហុតឈាម៥គូ ដែលបច្ចុប្បន្នគូបដិបក្ខម្ខាងលែងខ្លាំងទៀតហើយ
- 2019-04-28 07:10:36
- ចំនួនមតិ 0 | ចំនួនចែករំលែក 0
ជំនួប Derby ស៊ីសាច់ហុតឈាម៥គូ ដែលបច្ចុប្បន្នគូបដិបក្ខម្ខាងលែងខ្លាំងទៀតហើយ
ចន្លោះមិនឃើញ
ខាងក្រោមនេះគឺជាការប្រកួតរវាងក្រុមខ្លាំង២ ឬ ៣ក្នុងទីក្រុងតែមួយ ឬ ជំនួប Derby ដែលក្រុមម្ខាងធ្លាប់តែមានប្រៀបរហូតលើគូបដិបក្ខ ប៉ុន្តែបច្ចុប្បន្នអ្វីៗក៏បានប្រែប្រួល។
១ Manchester United និង Manchester City នៅទីក្រុងម៉េនឆេស្ទ័រ
បិសាចក្រហម Man Utd ធ្លាប់ឈ្នះរាល់ការប្រកួតទល់នឹងក្រុមមេឃខៀវ Man City ពោលគឺមុនពេលដែលមហាសេដ្ឋីប្រេងរបស់ប្រទេសអារ៉ាប់រួមមកធ្វើជាម្ចាស់ក្លឹបមេឃខៀវ។ ការប្រកួត១៦លើករវាងក្រុមទាំងគិតចាប់ពីឆ្នាំ ១៩៨៩ Man City មិនដែលឈ្នះ Man Utd សូម្បីម្តង រហូតដល់ឆ្នាំ ២០០២ ទើបមេឃខៀវឈ្នះ ៣-១។
ហើយគិតចាប់តាំងពីឆ្នាំ ២០១០ មក Man Utd លែងក្លាយទៅជាសត្រូវខ្លាំងរបស់ Man City ទៀតហើយ។ Man City យកឈ្នះ១១លើក ក្នុងការជួបគ្នា ២២ប្រកួត រួមទាំងបិសាចក្រហមធ្លាប់ត្រូវបានមេឃខៀវបំបាក់យ៉ាងអាម៉ាស់បំផុត ១-៦ កាលពីឆ្នាំ ២០១១ នៅ Old Trafford ផងដែរ ខណៈ Man Utd ឈ្នះតែ៨លើកប៉ុណ្ណោះ។
២ Real និងAtletico នៅទីក្រុងម៉ាឌ្រីដ
Los Blancos បានឈ្នះ២៥ ប្រកួតក្នុងចំណោម ៣៦លើករវាងគូប្រជែងទាំង២ចន្លោះពីឆ្នាំ ១៩៩៣ ដល់ឆ្នាំ ២០១២ ដោយចាញ់តែ២ដងប៉ុណ្ណោះ។ Real Madrid តែងតែគ្រប់គ្រងលើការប្រកួត។ រហូតដល់ឆ្នាំ២០១១ ក្រុមអ្នកគាំទ្រក្លឹបអធិរាជសបានសរសេរបដាសើចចំអកថា ចង់ឲ្យការប្រកួត derby ល្អមើលជាងនេះ។
ដូចការចង់បានរបស់អ្នកគាំទ្រ Real Madrid ក្រោយពេល Diego Simeone បានដឹកនាំ Atletico ចុងឆ្នាំ ២០១១ ហើយចាប់ពីឆ្នាំ២០១២ មកក្លឹបទាំង២ឈ្នះការប្រកួត៩ដងដូចគ្នាក្នុងចំណោម ២៨ប្រកួត។
៣ Sheffield United និង Leeds United នៅទីក្រុង Yorkshire
ចាប់តាំងពីឆ្នាំ ១៩៨៧ ដល់ ១៩៩៤ Leeds បានកាន់កាប់ទីក្រុង Yorkshire ដោយឈ្នះ៨ ក្នុងចំណោម ១២ប្រកួត។ ក្រុមទាំង២មិនដែលបានជួបគ្នាម្តងទៀតឡើយរហូតដល់ឆ្នាំ ២០០២។
ក្រោយពីពេលដែល Leeds មានបញ្ហាហិរញ្ញវត្ថុចាប់ពីឆ្នាំ២០០២មក Sheffield United មានប្រៀបវីញម្តង ដោយបានយកឈ្នះ៨ ក្នុងចំណោម១២ប្រកួតទល់នឹង Leeds United។ ហើយបច្ចុប្បន្ន Sheffield United និង Leeds កំពុងឈរនៅលេខ២ និង លេខ៣រៀងគ្នានៅក្របខ័ណ្ឌលំដាប់ទី២របស់អង់គ្លេស ហើយប្រហែលជារដូវកាលក្រោយគេនឹងអាចឃើញក្រុម២នេះមានវត្តមាននៅ Premier League។
៤ Arsenal និង Tottenham នៅទីក្រុងឡុង
សម័យ Arsene Wenger កាំភ្លើងធំ Arsenal ធ្លាប់បានបំបាក់ Tottenham ១៤ លើកក្នុងចំណោម ២៩ ប្រកួត ហើយចាញ់តែ២លើកប៉ុណ្ណោះក្រោមថ្វីជើងក្រុមរហស្សនាមមាន់ខ្នាយមាស។
ប៉ុន្តែអ្វីៗបានផ្លាស់ប្ដូរចាប់ពីឆ្នាំ ២០០៨ មក។ ក្នុងចំណោម២៦ប្រកួតចាប់តាំងពីពេលនោះមក Spurs អាចបញ្ចៀសពីការបរាជ័យ១៦លើក ដោយក្នុងនោះអាចតដៃយកឈ្នះក្រុមកាំភ្លើងធំ៨លើកទៀតផង។
៥ Arsenal និង Chelsea នៅទីក្រុងឡុង
ដូច Man City ដែរ ក្រុម Chelsea អាចតដៃជាមួយ Arsenal វិញ ហើយនេះគួរតែអរគុណម្ចាស់លុយមហាសេដ្ឋីរុស្ស៊ីដែលធ្វើឲ្យតោខៀវក្លាយជាក្រុមមួយដ៏ខ្លាំង។
ចាប់ពីឆ្នាំ ២០០៤ រហូតដល់ ២០១៦ តោខៀវមានប្រៀបលើកាំភ្លើងធំ ដោយឈ្នះ ១៧លើកក្នុងចំណោម២៩ប្រកួត។
បច្ចុប្បន្ន ក្រុមទាំង២កំពុងលេងនៅវគ្គពាក់កណ្ដាលផ្ដាច់ព្រ័ត្រ Europa League៕
អាន៖ តើ Arsenal, Tottenham ឬ Chelsea មួយណាជាក្រុមល្អបំផុតនៅទីក្រុងឡុង?