នៅសល់ Bugatti Chiron ជិត ១០០ គ្រឿងទៀត មិនទាន់រកម្ចាស់ឃើញ

2019-05-02 08:06:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Bugatti បានបង្ហាញថារថយន្តកំពូលល្បឿនម៉ូដែល Chiron របស់ខ្លួន នៅសេសសល់ប្រមាណ ១០០ គ្រឿងទៀត ដែលមិនទាន់រកម្ចាស់ឃើញ។ រថយន្តនេះមានផលិតលក់ត្រឹម ៥០០ គ្រឿងប៉ុណ្ណោះ។

គួរដឹងថាអតិថិជនដែលកុម្ម៉ង់ទិញរថយន្តដែលមិនទាន់រកម្ចាស់ឃើញនេះ នឹងត្រូវរង់ចាំលឿនបំផុតរហូតដល់ឆ្នាំ ២០២០ ទើបរថយន្តនេះផលិតរួចរាល់ និងដឹកជញ្ជូនឲ្យអតិថិជនបាន។ ទិញរថយន្តប្រភេទនេះ មិនត្រឹមតែថ្លៃនោះទេ ប៉ុន្តែត្រូវមានចិត្តអំណត់ដើម្បីរង់ចាំទៀតផង។

តាមការលើកឡើងរបស់ប្រធានផ្នែកទីផ្សារនៃក្រុមហ៊ុនរថយន្ត Bugatti ប្រចាំអាមេរិកខាងជើងបានឲ្យដឹងថា អតិថិជនរបស់ Chiron ម្នាក់ៗនិយមចំណាយលុយបន្ថែម ៣៥០ ០០០ ដុល្លារដើម្បីបន្ថែម Option ពិសេសៗ។ ការចំណាយនេះអាចជារឿងធម្មតានោះទេ ដោយសាររថយន្តម៉ូដែល Chiron មានតម្លៃចាប់ពី ២ ៩៩៨ ០០០ ដុល្លារឡើងទៅ នៅអាមេរិកខាងជើង។

Bugatti Chiron នេះបានលេចមុខដំបូងនៅឆ្នាំ ២០១៦ ដោយមានបំពាក់នូវម៉ាស៊ីនចំណុះ ៨ លីត្រ ១៦ ស៊ីឡាំង អាចផលិតកម្លាំងបាន ១៥០០ សេះ និងរត់ដល់ល្បឿនអតិបរមា ៤២០ គ.ម/ម៉ ឯណោះ៕

ចុចអាន៖

ប្រភព៖ carscoops ប្រែសម្រួល៖ សុខហេង