OnePlus 7 Pro ស្មាតហ្វូនគ្មានស្នាមឆក លេចនៅនឹងដៃ មុនថ្ងៃប្រកាសបង្ហាញខ្លួន

2019-05-09 06:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន OnePlus បានកំណត់កាលបរិច្ឆេទចេញផ្សាយ OnePlus 7/7 Pro នាសប្តាហ៍ក្រោយ តែមុនរយៈពេលប៉ុន្មានថ្ងៃក៏ស្រាប់តែលេចរូបរាងនៃស្មាតហ្វូនជំនាន់ក្រោយនេះសារជាថ្មីលើដៃរបស់បុរសម្នាក់។

នោះគឺ Blogger សញ្ជាតិអ៊ីតាលីលោក Andrea Galeazzi បានបង្ហោះរូបភាពលើ Instagram Story ដោយបង្ហាញពីម៉ូឌែលទូរសព្ទមួយ ដែលត្រូវបានគេសន្មតយ៉ាងជាក់ច្បាស់ថាជា OnePlus 7 Pro ព្រោះផ្អែកតាមរចនាបថគ្មានស្នាមឆក ផ្ទៃអេក្រង់លាតសន្ធឹងពេញគែមសងខាង និងកាមេរ៉ាមុខបែប Pop-up។

អ្វីដែលពិសេសនេះពុំមែនជាគំរូម៉ាស៊ីនត្រឹមសំបកធម្មតាទេ តែអាចប្រើប្រាស់បានពេញលេញ ដោយលោកក៏មានបង្ហាញពីសកម្មភាពកំពុងពេលឆ្លើយឆ្លងជាមួយបុគ្គលម្នាក់ឯទៀត តាមរយៈមុខងារ Video Call ទៀតផង។

រំឭកថាតាមការរំពឹងទុកត្រកូល OnePlus ឆ្នាំ ២០១៩ នេះនឹងមានការផ្លាស់ប្តូរច្រើន តែចំពោះតម្លៃក៏នឹងមានការកើនឡើងបន្តិចបន្តួចផងដែរ។ ដំណឹងច្បាស់ការនឹងបង្ហាញប្រាប់អ្នករាល់គ្នានាថ្ងៃទី ១៤ ឧសភាខាងមុខ។