លក់​ជើង​មាន់​គេ​មើល​ងាយ​ ថា​ជាមុខ​របរ​តូចតាច តែ​ស្រី​ស្អាត ម៉ូលីកា ទើប​ទិញ​ឡាន ៧ម៉ឺន​ដុល្លារ​ក្ដៅ​ៗ

  • 2019-05-18 01:01:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អតីត​តារា​ចម្រៀង​ផលិតកម្ម Rock គឺ​កញ្ញា ម៉ូលីកា ត្រូវ​បាន​គេ​ដឹង​ថា នាង​ទើបទិញ​ រថយន្ដ Lexus RX 450h ពណ៌​ស ដ៏​ថ្មី​សន្លាង​មួយ​គ្រឿង ដែល​មាន​តម្លៃ​៧​ម៉ឺន​ដុល្លារ ដែល​នោះ​គឺ​ជា​ផល​កើត​ពី​ការ​ឈឺ​ចាប់​នឹង​ការ​គេ​មើល​ងាយ។

រថយន្ត​ស៊េរី​ទំនើប​នោះ តារា​ចម្រៀង​រូប​នេះ​បញ្ជាក់​ថា នាង​ទិញ​រថយន្ត​ខាង​លើ​នេះ ទុក​ជា​កាដូ​សម្រាប់​ខ្លួន​ឯង ក្រោយ​ពី​តស៊ូ​លំបាក​លំបិន​ជាមួយ​មុខ​របរ​មួយ ​ធ្វើ​ជា​អ្នក​លក់​ជើង​មាន់​តាម​អនឡាញ​ដែល​ត្រូវ​គេ​តិះដៀល​ថា​ជា​មុខ​របរ​តូចតាច គឺ មិន​អាច​មុជ​មិន​ជ្រៅ​ទៅ​មិន​ឆ្ងាយ ប៉ុន្តែ​ទី​បំផុត នាង​អាច​ធ្វើ​បាន។

ដោយ​សារ​តែ​បែប​នេះ​ហើយ ទើប​បាន​បង្ហើរ​សារ​ថ្លែង​អំណរ​គុណ​ដល់​មនុស្ស​មួយ​ចំនួន ដែល​ធ្លាប់ មើល​ងាយ​នាង ទើប​ធ្វើ​ឲ្យ​នាង​មាន​ការ​រឹង​មាំ រហូត​ធ្វើ​ឲ្យ​ជីវភាព​បាន​ប្រសើរ​ឡើង​ជាង​មុន។ ភ្ជាប់​ជាមួយ​រូប​រថយន្ត​ប្រណិត​ទើប​ទិញ​ថ្មី ម៉ូលីកា បាន​សរសេរ​សារ​ថា ”ពេល​ខ្លះ ខ្ញុំ​សូម​អរគុណ​អ្នក​មើល​ងាយ​ទាំង​ឡាយ​ដែល​បាន​ផ្លាស់​ប្ដូរ​ជីវិត​ខ្ញុំ​ឲ្យ​កាន់​តែ​ប្រសើរ​ឡើង”។

អ្នក​ដែល​គាំទ្រ​ថៅកែ​ស្រី​ស្អាត​ម៉ូលីកា មួយចំនួន បាន​សម្ដែង​ការ​អបអរសាទរ​ចំពោះ​តារា​ចម្រៀង​រូប​នេះ តែ​ខ្លះ​ក៏​ឆ្ងល់​ថា ម៉ូលីកា បាន​លុយ​មក​ពី​ណា ព្រោះ​មុន​នេះ ទើប​បើក​ហាង​រក្សា​សម្រស់ អស់​លុយ​១០​ម៉ឺន​ដុល្លារ​សោះ ឥឡូវ​ស្រាប់​តែ​មាន​លុយ​ទិញ​ឡាន​ថ្មី តម្លៃ​ដល់​ទៅ ៧ម៉ឺន​ដុល្លារ​ថែម​ទៀត។

ជុំវិញ​បញ្ហា​នេះ ម៉ូលីកា បានឲ្យដឹងថា រថយន្ដដែលនាងទើបទិញនេះ គឺបាន​មក​ពី​មុខ​របរ​លក់​ជើង​មាន់​តាម​អនឡាន​នោះ​ឯង បូក​ផ្សំ​នឹង​ប្រាក់​ខ្លះ​ទៀត បាន​ពី​​មុខ​ជំនួញ​លក់​គ្រឿង Cosmetic ដែល​ទើប​នឹង​បើក​ដំណើរ​ថ្មី​ៗ។ មុខ​របរ​ទាំង​ពីរ​មុខ​នេះ ម៉ូលីកា បញ្ជាក់​ថា បាន​ធ្វើ​ឲ្យ​ជីវភាព​នាង​ល្អ​ប្រសើរ​ជាង​ពេល​មុន រហូត​នាង​អាច​ទិញ​បាន​រថយន្ដ​ដែល​ខ្លួន​ស្រលាញ់។

អតីត​តារា​ចម្រៀង​ផលិតកម្ម Rock កញ្ញា ម៉ូលីកា បាន​ផ្ដើម​ពី​ទុន​ត្រឹម​៣០០​ដុល្លារ​ប៉ុណ្ណោះ ដោយ​រក​ស៊ី​លក់​ជ្រក់​ជើង​មាន់ តាម Online ជាមួយ​សង្សារ​តារាសម្ដែង លោក ឆានុន មុន​ពេល​បាន​​ក្លាយ​ទៅ​ជា​ថៅកែ​ហាង ម៉ូលីកា ខូស្មិកទិក ថែម​ទៀត និង​ចុង​ក្រោយ ទើប​ទិញ​រថយន្ត​ប្រណិត​ខាង​លើ​នេះ​គួរ​ឲ្យ​ភ្ញាក់​ផ្អើល៕

អាន៖ ក្រឡេក​មើល Fashion ស្អាត​ៗ​សម្រាប់​មង្គលការ​ពី​តារា​ស្រី​ល្បី​ៗ

អាន៖ តារា​ល្បី​ៗគ​ជើង​គ្នា ចូល​រួម​មង្គល​ការ ឱក សុគន្ធ​កញ្ញា យប់​មិញ

អាន៖ សុខ​សោភា សោកស្ដាយ​ផង ត្រេក​អរ​ផង រហូត​លើក​អនុស្សាវរីយ៍​ជូរចត់​លើ​ស្ពាន​ជ្រោយ​ចង្វាជាមួយ​គ្នា សុគន្ធ​កញ្ញា

អត្ថបទ៖ ទារិកា