កម្ពុជានឹងមានឧទ្យានថាមពលពន្លឺព្រះអាទិត្យកម្លាំង១០០ម៉េហ្គាវ៉ាត់នៅពេលខាងមុខនេះ

2019-05-25 01:47:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារអភិវឌ្ឍន៍អាស៊ីហៅកាត់ថា ADB បានអនុម័តឥណទានសម្បទានជាងប្រាំពីរលានដុល្លារជួយដល់ការអភិវឌ្ឍវិស័យថាមពលពន្លឺព្រះអាទិត្យនៅកម្ពុជា ដោយថាគម្រោងនេះនឹងធ្វើពិពិធកម្មថាមពល និងពង្រីកការប្រកួតប្រជែងនៃសេដ្ឋកិច្ចរបស់កម្ពុជា។

(រូបតំណាង)

ក្នុងសេចក្ដីប្រការព័ត៌មានមួយចេញផ្សាយកាលពីម្សិលមិញADB បានសរសេរខ្លួនបានអនុម័តឥណទានសម្បទានចំនួន៧,៦៤លានដុល្លារសម្រាប់ជួយបង្កើតឧទ្យានថាមពលពន្លឺព្រះអាទិត្យកម្លាំង១០០មេហ្គាវ៉ាត់នៅខេត្តកំពង់ឆ្នាំង។

ប្រភពដដែលសរសេរទៀតថាទោះបីជាសព្វថ្ងៃមានការអភិវឌ្ឍវិស័យអគ្គិសនីគួរឲ្យកត់សម្គាល់ក៏ដោយក៏ប្រជាពលរដ្ឋប្រហែលប្រាំលាននាក់នៅខ្វះលទ្ធភាពទទួលបានអគ្គិសនីប្រើប្រាស់។ បើតាមABD កម្ពុជាក្នុងឆ្នាំ២០១៨ផលិតអគ្គិសនីបានចំនួន២១៧៥មេហ្គវ៉ាត់ ដែល៦២ភាគរយបានពីវារីអគ្គិសនី និង៣៦បានពីឥន្ធនៈហ្វូស៊ីល ខណៈថាមពលអគ្គិសនីបានពីពន្លឺព្រះអាទិត្យទើបមានចំនួន១០មេហ្គាវ៉ាត់តែប៉ុណ្ណោះ។

បច្ចុប្បន្នADB និងEDC កំពុងពិភាក្សាឲ្យមានការដាក់ដេញថ្លៃលើគម្រោងមួយនេះ៕

អត្ថបទ៖ ទូច សុខា