ប្លែកទៀតហើយ! ឡានអគ្គិសនី Pickup គូប្រជែង Tesla ចេញតម្លៃច្បាស់ៗ

2019-06-06 04:50:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានដំណឹងជាច្រើនដែលថា ក្រុមហ៊ុនធំៗ ៣ កំពុងប្រជែងគ្នាលើជំនាន់រថយន្តអគ្គិសនី ប្រភេទដឹកទំនិញបាន(Pickup) ដូចជា Ford និង Tesla ពេលនេះគូប្រជែងធំរបស់ Tesla គឺក្រុមហ៊ុន Rivian បានបញ្ចេញរូបភាពម៉ូឌែលអគ្គិសនី R1T ដែលមានកង់ដល់ទៅ ៦។

រូបភាព render៖ Rivian R1T

ក្នុងកិច្ចពិភាក្សាលើវិបសាយរបស់ Rivian ដែលគេលើកជាសំណួរថា តើអ្នកចង់ឃើញផលិតផលរថយន្តរបស់ Rivain បែបណាវិញ? ចម្លើយជាច្រើនបានលើកឡើងស្រដៀងគ្នា ព្រមទាំងមានអ្នកគាំទ្រម្នាក់ បានបំផុសចេញរូបភាព render ប៉ុន្មានសន្លឹករបស់ R1T ប្រភេទ Pickup គួរតែមានរាងបែបនេះ(ដូចរូបខាងក្រោម)។

ចំពោះលក្ខណៈសម្បត្តិរបស់ R1T ដែលគេដឹងខ្លះកាលពីពិពរណ៍រថយន្ត Los Angeles AutoShow 2018 រថយន្តនេះមានជម្រើស ៣ ប្រភេទគឺ៖

១) ប្រភេទធម្មតា Base option មានសមត្ថភាពផ្ដល់កម្លាំងបាន ៤០២ សេះ(៣០០ គីឡូវ៉ាត់) ជាមួយនឹងទំហំផ្ទុកអាគុយកម្លាំង ១០៥ គីឡូវ៉ាត់ម៉ោងសាកពេញ អាចឲ្យរថយន្តរត់បានលើស ៣៧០ គីឡូម៉ែត្រ។

២) ចំពោះប្រភេទកណ្ដាល មានសមត្ថភាពផ្ដល់កម្លាំងបាន (៥៦២ គីឡូវ៉ាត់) ជាមួយនឹងទំហំផ្ទុកអាគុយកម្លាំង ១៣៥ គីឡូវ៉ាត់ម៉ោងសាកពេញ អាចឲ្យរថយន្តរត់បានលើស ៤៨៣ គីឡូម៉ែត្រ។

៣) ចំណែកប្រភេទបងគេបង្អស់ មានសមត្ថភាពផ្ដល់កម្លាំងបាន (៥២២ គីឡូវ៉ាត់) តែវាមកជាមួយនឹងទំហំផ្ទុកអាគុយកម្លាំង ១៨០ គីឡូវ៉ាត់ម៉ោងសាកពេញ អាចឲ្យរថយន្តរត់បានលើស ៦៤៤ គីឡូម៉ែត្រ។

រីឯតម្លៃចាប់ផ្ដើម R1T គឺ ៦៩ ០០០ ដុល្លារ(មិនទាន់គិតពន្ធ)។ យ៉ាងណាមិញ ចំពោះរូបភាពម៉ូឌែលផ្លូវការ ដែលក្រុមហ៊ុន Rivian បានប្រកាសនោះមានកង់ ៤ ជារថយន្តអគ្គិសនី Pickup ដំបូងគេក្នុងលោកមានរូបរាងដូចវីដេអូខាងក្រោម៕