PUBG វគ្គថ្មី? ផែនទី ៤ បូកបញ្ចូលគ្នា ប្រមូលផ្តុំមនុស្ស ៤០០ នាក់ក្នុងវគ្គតែមួយ

2019-06-10 03:52:10
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការលេចចេញនូវដំណឹងពិសេសមួយសម្រាប់អ្នកលេងហ្គេម PUBG ទាក់ទិននឹងផែនទីថ្មីដែលចម្រាញ់បញ្ចូលចេញពីផែនទីទាំង ៤ កំពុងមានស្រាប់។ គណនី n1tn4t បានផ្តួចផ្តើមនៅគំនិតប្លែកមួយនេះ ដោយប្រើប្រាស់ផែនទី Erangel, Miramar, Sanhok និង Vikendi ច្របល់បញ្ចូលគ្នាជាផែនទីធំមួយ។

ផែនទីយក្សនេះមានទំហំផ្ទៃដី ២២៥ គីឡូម៉ែត្រការេ ដោយប្រមូលផ្តុំអ្នកលេងប្រមាណ ៤០០ នាក់ លោតឆ័ត្រយោងចេញពីយន្តហោះចំនួន ៤ ដោយថេរវេលានៃការលេងរំពឹងនឹងបញ្ចប់ទៅបានក្នុងរយៈពេល ១ ម៉ោង ។

ត្បិតជាគំនិតថ្មីស្រឡាង ប៉ុន្តែក៏ទទួលបានការកើតមានចម្ងល់មួយចំនួននៅលើគេហទំព័រ Reddit ដោយខ្លះព្រួយបារម្ភថាប្រសិន Map នេះដាក់ឲ្យដំណើរការពិតមែន នោះដំណើរការនៃហ្គេមនឹង Lag កាន់តែខ្លាំង។

មតិមួយនិយាយថា៖ "អ្នកក៏ត្រូវការកាបូបជាចាំបាច់ដើម្បីស្ពាយហ្គាសគ្រប់គ្រាន់ក្នុងការប្រើប្រាស់រថយន្តលើផែនទីធំនេះ"។ រីឯអ្នកបញ្ចេញមតិមួយផ្សេងទៀតវិញ៖ "បើបែបនេះក៏គួរតែចាប់ក្រុម ៨ នាក់នោះសក្តិសមនឹងផែនទីប្រភេទនេះបំផុត"។

យ៉ាងណាមិញនេះត្រឹមជាការយល់ឃើញនិងគំនិតផ្តួចផ្តើមរបស់បុគ្គលម្នាក់តែប៉ុណ្ណោះ ប៉ុន្តែក៏ថាមិនត្រូវប្រសិន ក្រុមហ៊ុនអភិវឌ្ឍ PUBG មើលឃើញពីចំណុចល្អច្រើន នោះផែនទីយក្សបែបនេះក៏អាចនឹងដាក់ឲ្យលេងនៅថ្ងៃខាងមុខក៏ថាបាន។