ធ្លាប់ចាប់អារម្មណ៍អត់ ម៉េចបាន iPhone សាកថ្មឡើងយឺតនៅរដូវក្តៅ?

2019-06-11 03:25:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អាកាសធាតុក្តៅក៏ជាកត្តាហានិភ័យមួយដែលអាចបង្កបញ្ហាដល់ឧបករណ៍អេឡិចត្រូនិកមួយចំនួន សោតយ៉ាងដូចជាស្មាតហ្វូន កត្តានៃសីតុណ្ហភាពខ្ពស់ជ្រុល ក៏អាចធ្វើឲ្យម៉ាស៊ីនដំណើរការប្រព័ន្ធសាកថ្មឡើងយឺតផងដែរ។ តើនេះមកពីមូលហេតុអ្វី?

តាមការបកស្រាយលើគេហទំព័រ ZDNet បានពន្យល់ថាស្ថិតក្រោមអាកាសធាតុក្តៅ ហើយសាកថ្ម iPhone របស់អ្នកនៅក្នុងរថយន្តដែលចតចោលឬក្នុងបន្ទប់ដែលងំដោយកម្តៅ ពេលនោះផ្នែកថ្មនឹងឡើងកម្តៅកាន់តែខ្លាំង ជាហេតុធ្វើឲ្យប្រព័ន្ធសៀគ្វីសាកចាប់ផ្តើមផ្ទេរថាមពលសាកទាបជាងមុនទៅកាន់ឧបករណ៍។

ហេតុផលនៅពីក្រោយរឿងនេះគឺជាគោលការណ៍នៃប្រព័ន្ធសុវត្ថិភាពដែលបានកំណត់ចេញពីក្រុមហ៊ុន ក្នុងគោលដៅបញ្ចៀសថ្មឡើងកម្តៅកាន់តែខ្លាំងឡើង ឬឈានដល់ការផ្ទុះប្រេះស្រាំដោយប្រការណាមួយ។

ជាការពិតណាស់យោងតាមគោលការណ៍កំណត់របស់ Apple សីតុណ្ហភាពសមប្រកបបំផុតសម្រាប់ iPhone គឺចន្លោះពី ០ ទៅ ៣៥ ដឺក្រេអង្សាសេ ដែលចន្លោះនេះអាចធានាជូននូវសុវត្ថិភាពដល់អ្នកប្រើប្រាស់បាន។