Derby នឹងជះលុយដ៏ស្តួចស្តើងរបស់ខ្លួនបន្ថែម ដើម្បីប្រជែងយក Lampard ពី Chelsea

2019-06-22 08:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Derby នឹងផ្តល់ឲ្យFank Lampard ១០ លានផោន (១២,៧ លានដុល្លារ) សម្រាប់កិច្ចសន្យារយៈពេល៤ឆ្នាំ ពោលគឺនឹងដំឡើងប្រាក់បៀរវត្តន៍ប្រចាំឆ្នាំរហូតដល់ ២,៥ លានផោនក្នុង១ឆ្នាំសម្រាប់គ្រូបង្វឹកវ័យ៤១ឆ្នាំ ឲ្យបន្តដឹកនាំក្រុម Derby នៅក្របខ័ណ្ឌបាល់ទាត់លំដាប់ទី២នៅអង់គ្លេស។ នេះបើតាម The Sun ទើបបានចុះផ្សាយ៕

Lampard ដែលទើបតែមកចាប់ផ្តើមអាជីពជាគ្រូបង្វឹករដូវកាលដំបូងរបស់ខ្លួន ប៉ុន្តែគ្រូបង្វឹកវ័យក្មេងបានដឹកនាំ Derby លេងវគ្គផ្ដាច់ព្រ័ត្រ play-off ដើម្បីបានកៅអីលេងនៅ Premier League តែត្រូវធ្លាក់ក្រោមថ្វីជើង Aston Villa។

ដោយឡែក បន្ទាប់ពី Maurizio Sarri បានចាកចេញពី Chelsea ទៅដឹកនាំ Juventus បានធ្វើឲ្យក្លឹបតោខៀវកំពុងប្រឈមដូចជា៖ អត់គ្រូបង្វឹក កំពូលកីឡាករ Eden Hazard ទើបចាកចេញ ស្របពេលដែលម្ចាស់ក្លឹបក៏កំពុងរស់និរទេសក្រៅទឹកដីអង់គ្លេស ដោយសារបង្ហាទិដ្ឋាការ។

លោក Mel Morris ម្ចាស់ក្លឹប Derby ដឹងថាលោកប្រឈមនឹងភារកិច្ចដ៏លំបាកក្នុងការឃាត់ Lampard ឲ្យនៅ

Lampard បាននិយាយប្រាប់កូនក្រុមរបស់ខ្លួនថាគេនឹងចាកចេញពីទឹកដី Pride Pard ប្រសិនបើ Roman Abramovich ផ្តល់ជូនខ្លួននូវតម្លៃដ៏សមរម្យ ហើយប្រសិនបើ Lampard ចេញមែន នោះ Chelseaនឹងបង់ថ្លៃឲ្យ Derby ៤លានផោន។

Lampard អតីតកីឡាករ Chelsea ដោយបានចំណាយពេល ១៣ឆ្នាំនៅទឹកដី Stamford Bridge ឈ្នះពាន១៣ជាមួយក្លឹប និង ស៊ុតបាន២១១គ្រាប់ក្នុងចំណោមការបង្ហាញខ្លួន ៦៣៨លើក៕

អាន៖ Mourinho អាចជាគ្រូបង្វឹកថ្មីរបស់ Newcastle បើក្លឹបនេះមានម្ចាស់ថ្មីជាមហាសេដ្ឋីអារ៉ាប់ឆាប់ៗមែន

អាន៖ មូលហេតុដែល Sarri មិនអាចដូច Guardiola នៅ Man City

ប្រភព៖ thesun ប្រែសម្រួល៖ សុខ លាងហ៊ត