៣ សន្លឹកកាន់នៅនឹងដៃ តួខ្លួន Galaxy Note 10+ មុនថ្ងៃប្រកាសជាងមួយខែ
- 2019-06-29 02:03:19
- ចំនួនមតិ 0 | ចំនួនចែករំលែក 0
៣ សន្លឹកកាន់នៅនឹងដៃ តួខ្លួន Galaxy Note 10+ មុនថ្ងៃប្រកាសជាងមួយខែ
ចន្លោះមិនឃើញ
Samsung គ្រោងចេញផ្សាយស្មាតហ្វូនត្រកូល Note សេរ៊ីឆ្នាំ ២០១៩ នាអំឡុងខែសីហា តែសល់រយៈពេលជិតមួយខែរូបភាពបែកធ្លាយក៏បន្តលេចចេញ ដោយម្តងនេះឃើញកាន់នៅនឹងដៃស្រស់ៗតែម្តង។
រូបភាពទាំងស្រុងចែកចាយដោយគណនី YouTuber មួយរូបឲ្យឈ្មោះ TechTalkTV ដោយតួខ្លួនទាំងស្រុងមិនខុសច្រើនធៀបនឹងចចាមអារ៉ាមដែលចុះផ្សាយកាលពីពេលកន្លងមក។ ធុននេះនឹងប្រើប្រាស់អេក្រង់ ៦,៧៥ អ៊ីញ បន្សល់គែមសងខាងតូចជាងមុន លាយឡំផ្នែកកាមេរ៉ាមុខទុកជារាងរង្វង់នៅកណ្តាល ពុំមែនប្រើប្រាស់កាមេរ៉ាភ្លោះមុខដូច Galaxy S10+ ឡើយ។
រីឯរូបភាពចុងក្រោយមានសភាពព្រាល តែបញ្ឆិតបញ្ឆៀងអាចឲ្យយើងដឹងថា Note 10+ មានកាមេរ៉ារាងបញ្ឈរដូចមានលើ iPhone សេរ៊ីក្រោយ ដែលលាយឡំគ្រាប់ Flash LED និង ToF Sensor នៅជាមួយគ្នានោះ។
អ្វីដែលច្បាស់ការមិនអាចប្រកែកបានគឺទាក់ទិននឹងឈ្មោះដូចបង្ហាញលើអេក្រង់គឺ Samsung នឹងប្រើឈ្មោះ Note 10+ ពុំមែន Note 10 Pro ដូចចចាមអារ៉ាមចុះផ្សាយកាលពីដើមឆ្នាំនោះទេ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ជឿអត់បងប្អូន ជឿអត់! Sticker ខ្មែរសម្បូរពាក្យ Cool Cool មានលើ Viber ហើយ
ទីក្រុង ៣ នៅប្រទេសកូនខ្លាអាស៊ីនឹងមានរថយន្តក្រុង បើកស្វ័យប្រវត្តិឆ្នាំ ២០២២