ឡាន Hyundai តម្លៃ ៩ ពាន់ដុល្លារ លក់បានជាង ៣ ម៉ឺនគ្រឿងក្នុងមួយខែ

2019-07-01 03:28:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមួយតួលេខនៃការកុម្ម៉ង់រហូតដល់ ៣៣ ០០០ គ្រឿងក្នុងរយៈពេលមួយខែនៅប្រទេសឥណ្ឌា ធ្វើឲ្យរថយន្ត Hyundai Venue ក្លាយជាគ្រាប់អុកសំខាន់មួយរបស់ក្រុមហ៊ុន Hyundai ក្នុងទីផ្សាររថយន្តដ៏ធំមួយនេះ។

រថយន្តដែលមានតម្លៃជាង ៩ ៤០០ ដុល្លារ ដល់ ១៦ ១០០ ដុល្លារនេះ មានចំណុចទាក់ទាញជាច្រើន ដែលអាចឲ្យអតិថិជនឥណ្ឌាដក់ចិត្ត។ ក្នុងនោះរួមមានការប្រើអំពូលភ្លើងប្រភេទ LED ទាំងមុខនិងក្រោយ, កង់ទំហំ ១៦ អ៊ីញ, មានអេក្រង់អាចភ្ជាប់ជាមួយ Apple CarPlay និង Android Auto, ចង្កូតរថយន្តអាចបញ្ជាច្រើនមុខងារ, មានកន្លែងសាកថ្មទូរសព្ទដោយមិនប្រើប្រាស់, ដំបូលអេឡិចត្រូនិក និងមុខងារ Cruise Control ជាដើម។

លក់នៅឥណ្ឌា រថយន្ត Venue នេះ មានជម្រើសម៉ាស៊ីនចំនួនបីប្រភេទរួមមានចំណុះ ១,០ លីត្រ និង ចំណុះ ១,២ លីត្រប្រភេទប្រើសាំង និងចំណុះ ១,៤ លីត្រ ដែលជាប្រភេទម៉ាស៊ូត អាចផ្ដល់កម្លាំងបានគ្រប់គ្រាន់សម្រាប់ការបើកបរនៅប្រចាំថ្ងៃ ជាពិសេសក្នុងទីក្រុង៕

ចុចអាន៖

ប្រភព៖ indiatoday ប្រែសម្រួល៖ សុខហេង