Huawei ប្រគល់ម៉ូដកាមេរ៉ាជ្រុងឲ្យ Apple ហើយប្រើម៉ូដមូលជំនួសវិញលើ Mate 30

2019-07-02 03:05:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតថា Mate 20 និង Mate 20 Pro មិនមែនជាស្មាតហ្វូនដំបូងគេដែលប្រើដង្គុំកាមេរ៉ារាងបួនជ្រុង ប៉ុន្តែម៉ូដកាមេរ៉ានេះត្រូវបានគេស្គាល់ច្រើនដោយសារតែ Huawei យកមកប្រើ។ ហើយពេលនេះ Apple និង Google បានប្រើម៉ូដកាមេរ៉ាបួនជ្រុងលើស្មាតហ្វូនជំនាន់ថ្មីរបស់ខ្លួនទៀតផង ដែលនាំឲ្យ Huawei ប្រើម៉ូដផ្សេងពីនេះសម្រាប់ស្មាតហ្វូនម៉ូដែលចុងក្រោយ។

បើតាមរូបភាពមួយសន្លឹកដែលបង្ហោះលើបណ្ដាញទំនាក់ទំនង Weibo បានបង្ហាញអំពីផ្ទាំងកញ្ចក់ខាងក្រោយដែលប្រើលើស្មាតហ្វូន Huawei Mate 30 រំពឹងថានឹងប្រកាសចេញនៅខែតុលាខាងមុខ។ គួរចាប់អារម្មណ៍នោះគឺ លើកញ្ចក់ខាងក្រោយនេះ មានចោះជារង្វង់ ដែលឲ្យសញ្ញាថាដង្គុំកាមេរ៉ាលើត្រកូល Mate ជំនាន់ថ្មី មានរាងមូល មិនជ្រុងដូចមុនឡើយ។

Pixel 4

iPhone ឆ្នាំ ២០១៩

ដង្គុំកាមេរ៉ាមូលនេះ មិនមែនថ្មីឡើយ ដោយគេឃើញមានប្រើលើស្មាតហ្វូន Motorola និង Nokia រួចមកហើយ ប៉ុន្តែមិនសូវល្បីប៉ុន្មានឡើយ។ ការសម្រេចប្រើម៉ូដនេះដែរ អាចមកពី Huawei ចង់ឲ្យស្មាតហ្វូនខ្លួនប្លែកពី iPhone និង Google Pixel ជំនាន់ថ្មី ដែលប្រើម៉ូដកាមេរ៉ារាងជ្រុង៕

ចុចអាន៖

ប្រភព៖ PhoneArena ប្រែសម្រួល៖ សុខហេង