មិនទាន់ប្រកាសផង ចេញវីដេអូចាប់កាន់ iPhone XI ក្នុងដៃ (វីដេអូ)

2019-06-30 04:14:23
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនការប្រកាសចេញ iPhone ស៊េរីថ្មីជាផ្លូវការ មាន iPhone ក្លែងក្លាយជាច្រើនតែងបង្ហាញមុខ ដែលអះអាងថាជាផលិតផលគំរូផលិតផ្អែកតាមគំនូសបំព្រួញចេញពីរោងចក្រ និងខ្លះទៀតជាផលិតផលផលិតចេញពីការស្រមើស្រមៃ។

ពេលនេះគណនី Ben Geskin ដែលជាគណនីបញ្ចេញដំណឹងលេចធ្លាយដ៏ល្បីមួយ បានបញ្ចេញវីដេអូថ្មីបង្ហាញអំពីរូបរាង iPhone ស៊េរីថ្មី ដោយឲ្យឈ្មោះថា iPhone 11 Clone។ រូបរាងរបស់វាគឺដូចគ្នានឹងរូបភាព Render ដែលចេញផ្សាយកន្លងមក។

ផ្នែកខាងមុខមានរចនាបថក្បាលឆកដូចនឹងស៊េរីមុនៗដែរ។ ប៉ុន្តែខាងក្រោយវិញខុសគ្នាច្រើន ជាពិសេសនៅត្រង់ដង្គុំកាមេរ៉ារាងបួនជ្រុងមានផ្ទុកកាមេរ៉ារហូតដល់ ៣ គ្រាប់។ ក្រៅពីនេះរូបរាងនៃពណ៌ទាំងបី ក៏ត្រូវបានបង្ហាញផងដែរ រួមមានពណ៌មាស, ពណ៌ប្រផេះ និងពណ៌ស។

មិនត្រឹមតែមានកាមេរ៉ាសមត្ថភាពខ្លាំងជាងមុនទេ iPhone ជំនាន់ថ្មី នឹងមានបំពាក់ឈីប A13 សមត្ថភាពខ្លាំងជាងមុខ ហើយក៏រំពឹងថាមានថ្មទំហំធំជាងមុខ គួបផ្សំនឹងមុខងារថ្មីៗដែលមានលើ iOS 13៕

ចុចអាន ៖

ប្រភព៖ Thegioididong ប្រែសម្រួល៖ សុខហេង