កុំបាច់រំពឹងឲ្យសោះថា iPhone 11 មានរូបរាងខុសពីនេះ
- 2019-07-02 04:27:39
- ចំនួនមតិ 0 | ចំនួនចែករំលែក 0
កុំបាច់រំពឹងឲ្យសោះថា iPhone 11 មានរូបរាងខុសពីនេះ
ចន្លោះមិនឃើញ
រូបភាព Render របស់ iPhone ស៊េរីថ្មីបានលេចចេញបន្តបន្ទាប់ឥតស្រាកស្រាន្ត។ ម្ដងនេះគឺជាការលេចធ្លាយនូវរូបភាពគំនូសបំព្រួញ CAD ដែលវាស៊ីគ្នានឹងរូបរាងគ្រប់គ្នាបានឃើញកន្លងមក។
រូបដំបូងគេគឺរបស់ iPhone XR ជំនាន់ថ្មី ដែលវាមានបំពាក់កាមេរ៉ាភ្លោះរាងបួនជ្រុងនៅផ្នែកខាងក្រោយ។ រចនាបថក្បាលឆកគឺហាក់មិនបានប្រែប្រួល ហើយអេក្រង់ក៏នៅតែមានទំហំ ៦,១ អ៊ីញ ដូចមុនអ៊ីចឹងដែរ។
ចំណែករូបភាពរបស់ iPhone ដែលជំនួសតំណែង iPhone XS និង XS Max គឺនៅផ្នែកខាងក្រោយមានបំពាក់ដង្គុំកាមេរ៉ា ៣ គ្រាប់រាងបួនជ្រុង។ ផ្នែកខាងមុខមានក្បាលឆកទំហំដូច iPhone ជំនាន់មុនដែលអេក្រង់មានទំហំ ៥,៨ អ៊ីញ និង ៦,៥ អ៊ីញ ដដែល។
ក្រៅពីរូបភាពនេះ មិនមានព័ត៌មានផ្សេងទៀតឡើយ ដោយសារវាទំនងជាបង្កើតឡើងដោយក្រុមហ៊ុនផលិតសម្បកការពារទូរសព្ទ ដែលពួកគេទទួលបានដំណឹងច្បាស់អំពីវិមាត្រ និងទីតាំងនៃមុខងារ មុនការប្រកាសចេញផ្លូវការ៕
ចុចអាន៖