Huawei យកចំណុចខ្លាំងមួយរបស់ Apple ជាគំរូ

2019-07-08 02:31:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ren Zhengfei ជាស្ថាបនិកនិងនាយកប្រតិបត្តិរបស់ Huawei ធ្លាប់បានសម្ដែងអារម្មណ៍រំភើប និងទទួលបានការជំរុញទឹកចិត្តពី Apple កាលពីមុន ហើយពេលនេះលោកនិយាយថាការការពារភាពឯកជនរបស់អ្នកប្រើប្រាស់របស់ Apple ក៏ធ្វើឲ្យ Huawei ចង់ធ្វើតាមផងដែរ។

ក្នុងបទសម្ភាសន៍ជាមួយ CNBC លោក Zhengfei និយាយថា Huawei នឹងមិនផ្ដល់ទិន្នន័យរបស់អ្នកប្រើដល់រដ្ឋាភិបាលចិននោះទេ។ លោកបកស្រាយថា Apple គឺជាគំរូរបស់ខ្លួន ពេលនិយាយដល់ភាពឯកជនអ្នកប្រើ។ Apple មានប្រវត្តិការពារភាពឯកជនអ្នកប្រើប្រាស់បានយ៉ាងល្អ ហើយនេះទំនងជាអ្វីដែលលោក Zhengfei ចង់ធ្វើតាមនៅ Huawei។

លោកបន្តទៀតថា ៖ "ប្រសិនបើខ្ញុំ (Huawei) បានផ្ដល់ទិន្នន័យអ្នកប្រើដល់រដ្ឋាភិបាលចិនតែមួយលើកនោះ អាមេរិកអាចនឹងមានភស្តុតាងចែកចាយពេញពិភពលោក។ ក្រោយមកប្រទេសចំនួន ១៧០ និងតំបន់ ដែលយើងកំពុងមានប្រតិបត្តិការអាចនឹងឈប់ទិញផលិតផលយើង ហើយក្រុមហ៊ុននឹងអាចនឹងដួល"។

ស្ថាបនិករូបនេះ បញ្ចេញមតិបែបនេះ ក្រោយពីសហរដ្ឋអាមេរិកបានដក Huawei ចេញពីបញ្ជីខ្មៅ អនុញ្ញាតឲ្យក្រុមហ៊ុនបច្ចេកវិទ្យាអាមេរិករកស៊ីជាមួយ Huawei ជាបន្តទៀត៕

ចុចអាន៖

ប្រភព៖ 9to5Mac ប្រែសម្រួល៖ សុខហេង