Steve Jobs ធ្លាប់ថាឲ្យ Tim Cook ពូកែគ្រប់រឿង ប៉ុន្តែខ្សោយខាងផលិតផល

2019-07-09 02:31:17
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Walter Isaacson អ្នកនិពន្ធជីវប្រវត្តិលោក "Steve Jobs” បានឡើងនិយាយក្នុងកម្មវិធី Squawk Box នាសប្ដាហ៍នេះ ក្នុងបទសម្ភាសន៍មួយដែលលោកបានរំឭកអំពីសម្ដីរបស់ស្ថាបនិក Apple និយាយទៅកាន់នាយកប្រតិបត្តិ Apple បច្ចុប្បន្ន។

តាមការលើកឡើងរបស់លោក Walter លោក Jobs ធ្លាប់បានរិះគន់លោក Tim Cook ដែលមិនមែនជាមនុស្សជំនាញខាងផលិតផល។ អ្នកនិពន្ធរូបនេះនិយាយថា ៖ "Steve និយាយថា Tim Cook អាចធ្វើបានរឿងគ្រប់យ៉ាង ហើយគាត់ (Steve) សម្លឹងមកខ្ញុំរួចនិយាយថា Tim មិនមែនជាអ្នកពូកែខាងផលិតផលនោះទេ”។

ក្នុងសៀវភៅជីវប្រវត្តិលោក Steve Jobs អ្នកនិពន្ធបានបន្ធូរបន្ថយអត្ថន័យនៃសម្រង់សម្ដីមួយឃ្លាខាងលើនេះ ដើម្បីកុំឲ្យស្ដាប់ទៅធ្ងន់ធ្ងរពេក ហើយទើបថ្ងៃនេះដែលលោកបាននិយាយចំៗអំពីសម្រង់សម្ដីរបស់ស្ថាបនិក Apple។ គួរដឹងថាសៀវភៅ "Steve Jobs” បានចេញផ្សាយលើកដំបូងនាខែតុលា ឆ្នាំ ២០១១ ក្រោយការស្លាប់របស់លោក Steve Jobs រយៈពេល ១៩ ថ្ងៃ៕

ខាងក្រោមនេះជាវីដេអូនៃបទសម្ភាសន៍របស់លោក Walter Isaacson ៖