Instagram គ្រោង​បញ្ចេញ​មុខ​ងារ​ថ្មី​ពីរ​ ដោយ​ប្រើ​ប្រាស់​ប្រាជ្ញា​សិប្បនិម្មិត AI

  • 2019-07-09 06:13:01
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Instagram គ្រោង​នឹង​បញ្ចេញ មុខងារ​ថ្មី​ពីរ​ដើម្បី​ប្រឆាំង​ការ​មាក់ងាយ​តាម​ប្រព័ន្ធអុីនធឺណិត (Online Bullying) ពី​សំណាក់​អ្នក​បញ្ចេញ​បតិ​ទៅ​លើ​នរណា​ម្នាក់​នៅ​លើ​បណ្ដាញ​សង្គម​របស់​ខ្លួន។

ព្រោះ​ថា​​ការ​វាយប្រហារ​តាម​ប្រព័ន្ធអុីនធឺណិត​ដោយ​ប្រើ​បណ្ដាញ​សង្គម​គឺ ជា​បញ្ហា​ស្មុគស្មាញ​មួយ អស់​រយៈ​ពេល​ជា​ច្រើន​ឆ្នាំ​មក​ហើយ​ប៉ុន្តែ​ពេល​នេះ Instagram បាន​ប្រើ​ប្រាជ្ញា​សិប្បនិម្មិត (AI) ដើម្បី​​ការកាត់បន្ថយ​គំរាម​កំហែង​ក្នុង​ការ​បញ្ចេញមតិ ដែល​អាច​បង្ក​គ្រោះ​ថ្នាក់​ដល់​អ្នក​ប្រើប្រាស់។

មុខងារ​ថ្មី​នេះ​មាន​តួនាទី​សម្រាប់​ជូន​ដំណឹង​ឱ្យ​អ្នក​ប្រើ​ប្រាស់​គិត​ឡើង​វិញ មុន​និង​បញ្ចេញ​មតិ​ដែល​មិន​សមរម្យ​ណា​មួយ​ទៅ​លើ​គណនី​របស់​អ្នក​ដទៃ។ នេះ​ជា​វិធី​ដើម្បី​កន្ត្រាក់​អារម្មណ៍ ដល់​អ្នក​ប្រើប្រាស់​ថា មតិ​របស់​គេ​គឺ​មិន​សមរម្យ។

រូបភាព៖ នាយកដ្ឋានប្រឆាំងបទល្មើស បច្ចេកវិទ្យា

មុខងារ​ថ្មី​ទីពីរ គឺ​អាច​ឱ្យ​អ្នក​ប្រើ​ដាក់​ការ​កំណត់ (Restrict) ទៅ​លើក​គណនី​ណា​ដែល​អ្នក​ពុំ​ចូលចិត្ត ការ​ដាក់​កម្រិត​ទៅ​លើ​មតិ​ទាំង​ឡាយ​ណា​ដែល​​អ្នក​ទទួល​បាន​ពី​គណនី​នោះ នឹង​មិន​ត្រូវ​បាន​មើល​ឃើញ​ដោយ​អ្នក​ដ៏​ទៃ​ឡើយ លើក​លែង​តែ​អ្នក​អនុញ្ញាត៕

អត្ថបទ៖ ម៉េងងី