Lamborghini សម្រេចចិត្តមួយក្ឌាំងនេះ ចំណេញកប់ក្ដោង

2019-07-10 04:47:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះថ្នាក់ដឹកនាំជាន់ខ្ពស់របស់ក្រុមហ៊ុនរថយន្ត Lamborghini បានផ្ដល់បទសម្ភាសន៍ផ្ដាច់មុខមួយអំពី ចំនួនលក់រថយន្តនៅឆមាស ១ ដើមឆ្នាំ ២០១៩។

Lamborghini Aventador 2018

របាយការណ៍ថ្មីៗបង្ហាញថា រថយន្តម៉ូឌែល Lamborghini Urus ប្រភេទ SUVs លក់ដាច់ខ្លាំងគួរសមពោលគឺ ២៦៩៣ គ្រឿង ម៉ូឌែលរថយន្ដស្ព័រ Lamborghini Huracans លក់បាន ១២១១ គ្រឿងនិងម៉ូឌែល Aventador លក់បាន ៦៤៩ គ្រឿង។ សរុបទាំងអស់ ៤៥៥៣ គ្រឿងត្រឹមពាក់កណ្ដាលឆ្នាំ ២០១៩ ។ ចំណូលនេះ បានកើនឡើងដល់ ១,៩២ ប៊ីលាន(២០១៩) ខណៈដែលនៅឆ្នាំ ២០១៨ ចំណូលសរុបតែ ១,៦ ប៊ីលានដុល្លារប៉ុណ្ណោះ។

Lamborghini Huracans

លោក Domenical បានបន្ថែមទៀតថា ចំនួនលក់នេះកើនឡើង ៩៦% ធៀបនឹងឆ្នាំ ២០១៨ ។ លោកជឿជាក់ថា ក្រុមហ៊ុននឹងអាចលក់បានដល់ ៨ ០០០ គ្រឿងនៅដំណាច់ឆ្នាំ ២០១៩ នេះ ខណៈដែលឆ្នាំ ២០១៨ លក់បានត្រឹម ៥៧៥០ គ្រឿងប៉ុណ្ណោះ។ មួយទៀតលោកចង់ឲ្យចំនួនលក់នេះ កើនដល់ ១០ ០០០ ក្នុងមួយឆ្នាំ។

ការកើនឡើងចំនួននេះផងដែរ លោកបង្ហើបថា បានមកពីការសម្រេចចិត្តបន្ថែមជម្រើសជូនអតិថិនដោយ ផលិតរថយន្តលក្ខណៈគ្រួសារដំបូងបង្អស់ចូលទីផ្សារ(ម៉ូឌែលUrus)។

Lamborghini Urus កម្លាំង ៦៤១ សេះ (តម្លៃ ២០០ ០០០ ដុល្លារ) ម៉ូដែល Urus នេះធ្លាប់ឈរលើតំណែងកំពូលខាងផ្នែកល្បឿនជាមួយកំណត់ត្រា ៣០៤,៩ គ.ម/ម៉ មុនត្រូវ Bentley Bentayga Speed ដណ្ដើមតំណែងបាន។ រថយន្តគោជល់នេះបំពាក់ម៉ាស៊ីន Twin-Turbo ចំណុះ ៤,០ លីត្រ ចំនួន ៨ ស៊ីឡាំង ផលិតកម្លាំងបាន ៦៤១ សេះ៕