ធ្លាយរូបថ្មី Galaxy Note 10 មើលមួយភ្លែតស្មានតែ Huawei ត្រកូល P

2019-07-11 01:13:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung នឹងប្រកាសផ្សាយ Galaxy Note 10 នាថ្ងៃទី ៧ សីហាខាងមុខនេះ ដោយគ្រប់គ្នាជឿជាក់ថាត្រកូល Note ឆ្នាំ ២០១៩ ក៏នឹងមានបំពាក់នូវប្រព័ន្ធដំណើរការ 5G សម្របទៅនឹងអ្វីដែលអតិថិជនកំពុងធ្វើការរង់ចាំយ៉ាងអន្ទះសារ។

រូបភាពប៉ុន្មានសន្លឹកចែកចាយដោយបុគ្គលឈ្មោះ Ishan Agarwal ជុំវិញរូបភាពច្បាស់ត្រជាក់ភ្នែកពីរូបរាង Galaxy Note 10 ទាំងមុខនិងក្រោយ ដែលសម្លឹងមួយភ្លែតអាចច្រឡំ P30 Pro របស់គូប្រជែងនៃក្រុមហ៊ុន Huawei។

រូបតំណាងសេរ៊ី P30 របស់ Huawei

មិនខុសពីចចាមអារ៉ាមសព្វមួយដង ដោយ Note ឆ្នាំនេះមានបំពាក់កាមេរ៉ាក្រោយ ៣ គ្រាប់បែបបញ្ឈរ ខណៈកាមេរ៉ាមុខចោះទម្លុះអេក្រង់ដាក់ចំផ្នែកកណ្តាល និងអេក្រង់ពេញសល់គែមតិចសឹងតែមើលមិនឃើញ។

តួក្រោយលែងមានទ្រនាប់ស្កេនខ្ចៅដៃ បែបនេះអាចជាជំនួសដោយប្រព័ន្ធស្កេនបង្កប់ក្នុងអេក្រង់ ខណៈផ្នែកប៊ូតុងហាក់នៅមានមន្ទិលសង្ស័យ ដោយក្នុងរូបភាពចែកមិនដាច់រវាងប៊ុតុង Power និង Bixby ពោលគឺអាចត្រូវជម្រុះចោលមួយ ដោយប្តូរប៊ូតុង Power មកចំហៀងផ្នែកខាង Volume ឯណេះវិញ។

បញ្ជាក់ថាតាមការព្យាករណ៍ Samsung អាចនឹងប្រកាស Note ឆ្នាំ ២០១៩ ពីរម៉ូឌែលមាន Note 10 ប្រើអេក្រង់ ៦,៣ អ៊ីញ និង Note 10 Pro ប្រើអេក្រង់ ៦,៧៥ អ៊ីញ គាំទ្រ 5G។ យ៉ាងណាមិញយើងនឹងបានដឹងច្បាស់នៅដើមខែសីហាខាងមុខនេះទាំងអស់គ្នា។