រថយន្ដមេដឹកនាំ ៥ រូប មានប្រព័ន្ធសុវត្ថិភាពខ្ពស់បំផុត

2019-07-11 02:03:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំនៃប្រទេសនីមួយៗ តែងមានរថយន្ដផ្ទាល់ខ្លួន សម្រាប់ជាមធ្យោបាយធ្វើដំណើរ ដែលភាគច្រើនជារថយន្តដែលមានគុណភាពខ្ពស់ ខុសប្លែកពីរថយន្ដធម្មតា។ ខាងក្រោមនេះ ជារថយន្ដរបស់មេដឹកនាំ ៥រូប ដែលមានប្រព័ន្ធសុវត្ថិភាពខ្ពស់បំផុត៖

១. រថយន្ដ The Beast 2.0 របស់ប្រធានាធិបតីអាមេរិក លោក Donald Trump។ រថយន្ដនេះ មានប្រព័ន្ធសុវត្ថិភាពខ្ពស់បំផុត ពោលគឺគ្រាប់កាំភ្លើង ឬគ្រាប់បែក មិនអាចបង្កគ្រោះថ្នាក់ដល់អ្នកជិះខាងក្នុងបានឡើយ។ The Beast 2.0 បានស្ថិតក្នុងការអភិវឌ្ឍអស់រាប់ឆ្នាំមកហើយ។ រយៈពេលកន្លងមកនេះមានពាក្យចចាមអារ៉ាមថាក្រុមហ៊ុន General Motor បានចំណាយប្រមាណ ១៥ លានដុល្លារទៅលើការស្រាវជ្រាវនិងអភិវឌ្ឍតែមួយមុខ ដើម្បីបង្កើនភាពខ្លាំងរបស់រថយន្ត។

២. រថយន្ដ Aurus Senat មានតម្លៃ ២លានដុល្លារ របស់ប្រធានាធិបតីរុស្ស៊ី លោក Vladimir Putin។ រថយន្ដនេះក៏មានប្រព័ន្ធសុវត្ថិភាពខ្ពស់បំផុតដែរ គឺកាំភ្លើងមិនអាចបាញ់ធ្លុះ គ្រាប់បែកក៏មិនអាចបង្កគ្រោះថ្នាក់ដល់អ្នកជិះដូចគ្នាដែរ។

៣. រថយន្ដ BMW 7 Series មានតម្លៃ ១,៦លានដុល្លារ របស់នាយករដ្ឋមន្ដ្រីឥណ្ឌា លោក Narendra Modi។ រថយន្ដនេះក៏មានប្រព័ន្ធសុវត្ថិភាពខ្ពស់បំផុតដូចគ្នាដែរ។

៤. រថយន្ដ Mercedes- Benz S Class មានតម្លៃ១,៥លានដុល្លារ របស់ស្ដេចអារ៉ាប៊ីសាអូឌីត Salman Bin Abdulaziz Al Saud។ រថយន្ដនេះក៏បាញ់មិនធ្លុះ បំផ្ទុះមិនបានដែរ។

៥. រថយន្ដ Audi A8L មានតម្លៃ១,៣លានដុល្លារ របស់លោកស្រីអធិការបតីអាល្លឺម៉ង់ Angela Merkel។ រថយន្ដនេះមានប្រព័ន្ធសុវត្ថិភាពខ្ពស់ណាស់ គ្រាប់កាំភ្លើងក៏បាញ់មិនធ្លុះ ការបំផ្ទុះគ្រាប់ក៏មិនខ្ទេច៕