មែនទែនហើយ! Galaxy Note10 នឹងបាត់បង់រន្ធមួយ
- 2019-07-12 02:11:00
- ចំនួនមតិ 0 | ចំនួនចែករំលែក 0
មែនទែនហើយ! Galaxy Note10 នឹងបាត់បង់រន្ធមួយ
ចន្លោះមិនឃើញ
ទំនៀមទម្លាប់នៃការបំពាក់រន្ធកាស 3.5 mm លើស្មាតហ្វូន Flagship (ស៊េរីខ្ពស់) របស់ Samsung អាចនឹងត្រូវបញ្ចប់នៅត្រឹមត្រកូល Galaxy Note10។ រូបភាពចេញផ្សាយដោយគណៈកម្មការទំនាក់ទំនងសហព័ន្ធ (FCC) បានបង្ហាញអំពីផ្នែកខាងក្រោមរបស់ Galaxy Note10។
ក្នុងរូបភាពឃើញថាក្រៅពីមានរន្ធធំមួយសម្រាប់ដោតប៊ិច S-Pen និងរន្ធសម្រាប់សាកថ្មប្រភេទ USB-C គេមិនឃើញមានរន្ធធំផ្សេងទៀតនោះទេ ដែលបញ្ជាក់ថាលែងមានរន្ធដោតកាស 3.5 mm។ ក្រៅពីការបាត់រន្ធកាស គេបានឃើញរូបរាងទាំងមូលនៃ Note10 ដែលវាដូចគ្នានឹងរូបភាពចេញផ្សាយកន្លងមកដែរ។
គួរដឹងថា Note10 នឹងប្រកាសចេញជាផ្លូវការនៅថ្ងៃទី ៧ ខែសីហា ដោយរំពឹងថាមានពីរប្រភេទគឺ Galaxy Note10 និង Galaxy Note10 Pro ឬហៅថា Note10 Plus ដែលអាចមានប្រភេទប្រើ 5G ផងដែរ៕
ចុចអាន៖