ចំណុចទាក់ទាញត្រង់ណាខ្លះរបស់នារី ដែលបុរសៗនិយមលួចដៀងភ្នែកមើលមុនគេ?

2014-11-18 16:54:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ធម្មតាទេ ឲ្យតែស្រីស្អាត រាល់ពេលទៅណាមកណា តែងតែមានការទាក់ទាញពីបុរសៗជាក់ជាមិនខាន។ តែចំណុចទាក់ទាញ នៃរាងកាយនារី ដែលកែវភ្នែកបុរសបាញ់ឆ្ពោះទៅមុនគេមិនដូចគ្នាទាំងអស់នោះទេ។ បុរសមួយចំនួនបាននិយាយថា បើសិនជាគេឃើញនារីសិចស៊ី គេច្បាស់ជាសម្លឹងមើលកន្លែងនេះកន្លែងនោះ ទៅតាមអារម្មណ៍ និង ការចូលចិត្តរបស់គាត់។

និយាយអញ្ចឹង ចំណុចណាខ្លះនៃរាងកាយរបស់នារីៗទៅហ្ន៎ ដែលធ្វើឲ្យភ្នែកប្រុសៗឡិងឡង់ៗ លួចដៀងមើលមុនគេ?

រូបតំណាង

លើកឡើងពីប្រធានបទនេះ យុវជន ហៀង ជីវ័ន្ត អាយុ ២២ ឆ្នាំ ជាបុគ្គលិកនៃរោងពុម្ភមួយកន្លែងនៅម្ដុំស្ទឹងមានជ័យ មានទស្សនៈថា៖ "ខ្ញុំស្រលាញ់ និង ចាប់អារម្មណ៍ចំពោះនារីៗដំបូងបំផុត គឺរូបរាង និងដំណើរពេលនាងដើរ។ អ្នកខ្លះរាងរៅគាត់ពេលដើរ មើលទៅឡូយដល់ហើយ មុខមាត់មិនសូវជាស្អាតពេកក៏បាន ឲ្យតែបានរាងឡូយ ខ្ញុំពេញចិត្តខ្លាំងជាងគេ"។

ដោយឡែកយុវជន សុខ ពន្លក អាយុ២៣ឆ្នាំ ជាម្ចាស់ហាងអ៊ីនធឺណិតនៅម្ដុំចាក់អង្រែក្រោមប្រាប់ថា៖ "បើតាមខ្ញុំគិត ប្រុសៗមើលមនុស្សស្រីដំបូងគ្មានអីក្រៅពីដើមទ្រូង ព្រោះដើមទ្រូងគឺជាលក្ខណៈពិសេសមួយនៃរាងកាយរបស់មនុស្សស្រីៗ"។

"ខ្ញុំប្រាប់ទៅចុះ ភ្នែកមនុស្សប្រុសមួយចំនួនលឿនណាស់ ពេលឃើញស្រីស្អាត ដើរកាត់មុខ ហើយស្លៀកពាក់សិចស៊ី លិចលើលិចក្រោមបែបនេះ"។ ពន្លក បន្ថែមដូច្នេះ។

យ៉ាងណាមិញសម្រាប់យុវជន អៀង រង្សី អាយុ២៤ឆ្នាំ និស្សិតឆ្នាំទី៤នៃសាកលវិទ្យាល័យមួយនៅភ្នំពេញបាននិយាយប្រាប់ឲ្យដឹងថា៖ "បើគេផ្សេងខ្ញុំមិនដឹងទេ តែចំពោះខ្ញុំវិញ ឲ្យតែពេលជួបមនុស្សស្រី ខ្ញុំចាប់អារម្មណ៍មុនគេបង្អស់ទៅលើចំណុចសំខាន់បី គឺសម្បុរស ទម្រង់មុខស្អាត និងកម្ពស់ខ្ពស់ "។

រង្សី បន្ថែមថា ៖ នារីៗបើមានចំណុចបីនេះហើយ ទៅណាមកណា ច្បាស់ជាមានបុរសៗគ្រប់គ្នា លួចមើលមិនដាក់ភ្នែកជាមិនខានឡើយ។

ផ្ទុយទៅវិញយុវជន ឡុង ចំណាន អាយុ២៤ឆ្នាំជានិស្សិតទើបបញ្ចប់ឆ្នាំទី៤នៃសាកលវិទ្យាល័យភូមិន្ទភ្នំពេញ ប្រាប់ឲ្យដឹងចំៗពីចំណាប់អារម្មណ៍ដំបូងរបស់ខ្លួន ពេលដែលឃើញស្រីៗដំបូងថា៖ "សម្រាប់ខ្ញុំគឺរូបរាងដ៏សិចស៊ីរបស់ស្រី ជាចំណុចដែលទាក់ទាញអារម្មណ៍ខ្ញុំខ្លាំងបំផុត"។

បើនិយាយពីរាងកាយហ្នឹង ខ្ញុំថា ស្រីៗដែលមានការទាក់ទាញខ្លាំង គ្មានអីផ្សេងក្រៅពីទំហំទាំងបីហ្នឹងទេ និយាយរួម គឺដើមទ្រូង ត្រកៀក ហើយនិងស្មា ជាកន្លែងដែលធ្វើឲ្យប្រុសៗតាមមើលសឹងជ្រុះគ្រាប់ភ្នែក ពេលឃើញនាងដំបូង។

"មិនត្រឹមតែប៉ុណ្ណោះ បន្ទាប់ពីបានឃើញកន្លែងទាំងអស់នោះហើយ ប្រុសៗមួយចំនួនច្បាស់ជា គិតស្រមៃទៅដល់រឿងផ្ដេសផ្ដាសភ្លាមជាមិនខានឡើយ ខ្ញុំធានា"។ ចំណាន បញ្ជាក់ដូច្នេះ៕

អត្ថបទ៖ យិន សំបូរ