HongMeng OS អាចនឹងលេចមុខខែក្រោយ ប៉ុន្តែមិនមែនលើស្មាតហ្វូនឡើយ
- 2019-07-16 08:38:17
- ចំនួនមតិ 0 | ចំនួនចែករំលែក 0
HongMeng OS អាចនឹងលេចមុខខែក្រោយ ប៉ុន្តែមិនមែនលើស្មាតហ្វូនឡើយ
ចន្លោះមិនឃើញ
Huawei នៅតែបន្តឲ្យគេប៉ាន់ស្មានអំពីកាលបរិច្ឆេទប្រកាសចេញនូវប្រព័ន្ធប្រតិបត្តិការ ដែលខ្លួនផលិតឡើងដោយខ្លួនឯង។
សកម្មភាពចុងក្រោយរបស់ Huawei អាចសន្និដ្ឋានថាចម្លើយនៃសំនួរខាងលើអាចនឹងមានក្នុងខែក្រោយនេះ។ Honor ដែលម៉ាកសញ្ញាសាខាមួយរបស់ Huawei បានប្រកាសកាលពីថ្ងៃចន្ទ ថានឹងបញ្ចេញអេក្រង់វ័យឆ្លាត (Smart Display) ដំបូងរបស់ខ្លួន នៅដើមខែសីហា ដោយមិនប្រាប់ព័ត៌មានអ្វីផ្សេងទៀតឡើយ។
ផ្អែកតាមការលើកឡើងកាលពីថ្មីៗនេះរបស់ថ្នាក់ដឹកនាំជាន់ខ្ពស់ Huawei បានឲ្យតម្រុយថា Smart Display នេះទំនងជានឹងបំពាក់មកជាមួយនូវប្រព័ន្ធប្រតិបត្តិការបង្កើតដោយ Huawei ដែលគេស្គាល់ឈ្មោះថា "HongMeng”។
ជួបជាមួយទស្សនាវដ្ដីបារាំង LePoint លោក Ren Zhengfei ស្ថាបនិកក្រុមហ៊ុន Huawei បាននិយាយថាប្រព័ន្ធប្រតិបត្តិការដែល Huawei បង្កើតគឺលើសពីអ្នកជំនួស Android ហើយអាចប្រើប្រាស់នៅលើឧបករណ៍ជាច្រើនដូចជា Tablet, Router, Switch, កុំព្យូទ័រ, រថយន្តគ្មានមនុស្សបើក និង Data Centers ទៀតផង។
ដំណឹងនេះមិនទាន់មានការបញ្ជាក់ផ្លូវការនៅឡើយទេ ប៉ុន្តែ Smart Display នេះនឹងជាផលិតផលទូរទស្សន៍ដំបូងរបស់ម៉ាក Honor និង Huawei ដែលជាក្រុមហ៊ុនផលិតស្មាតហ្វូនធំទីពីរក្នុងលោក៕
ចុចអាន៖