ទូរសព្ទហ្គេម ROG Phone 2 ចេញមុខហើយ ថ្មទំហំ 6000 mAh អេក្រង់ 120 Hz

2019-07-22 08:34:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ROG Phone 2 ស្មាតហ្វូនសម្រាប់លេងហ្គេមជំនួសតំណែង ROG Phone បានលេចមុខជាផ្លូវការ ដែលមានបំពាក់ចំណុចថ្មីៗមុនគេមួយចំនួន។

ROG Phone 2 គឺជាស្មាតហ្វូន Android ដំបូងគេដែលប្រើអេក្រង់ AMOLED មានល្បឿន ១២០ Hz ដោយមានទំហំ ៦,៥៩ អ៊ីញ។ ល្បឿន Refresh ខ្ពស់អាចឲ្យការបង្ហាញរូបភាពបែប Animation ដើរយ៉ាងរលូន ប៉ុន្តែស៊ីថ្មបន្តិច។ ហេតុនេះទើបវាមានបំពាក់មកជាមួយនូវថ្មទំហំ ៦០០០ mAh អាចទ្រាំទ្រការសាកឆាប់ពេញល្បឿន ៣០ វ៉ាត់។

ស្មាតហ្វូននេះមានកាមេរ៉ា Selfie ទំហំ ១៣ MP និងកាមេរ៉ាខាងក្រោយជាប្រព័ន្ធកាមេរ៉ាភ្លោះ ដោយកាមេរ៉ាមេមានកម្រិត ៤៨ MP ជា Sensor IMX586 របស់ SONY ហើយទីពីរជាកាមេរ៉ា Ultra-Wide កម្រិត ១៣ MP។

ចំណែកគ្រឿងក្នុងវិញ គឺមានញាត់នូវបន្ទះឈីប Snapdragon 855 Plus ជាការប្រើលើកដំបូងលើស្មាតហ្វូន គួបផ្សំនឹង RAM ទំហំ ១២ GB អង្គផ្ទុករហូតដល់ ៥១២ GB និងបច្ចេកវិទ្យា UFS 3.0 ផងដែរ។ ពីខាងក្នុងមានប្រព័ន្ធបញ្ចុះកម្ដៅដោយចំហាយទឹក ដែលអាចបញ្ចុះកម្ដៅភាយចេញពីបន្ទះឈីបបាន។

ចំណុចពិសេសផ្សេងៗទៀតមានដូចជាទ្រនាប់ស្កេនខ្ចៅដៃលើអេក្រង់, រន្ធបំពងសំឡេងបែបស្ទេរីអូ, រន្ធដោតកាស, ឡូហ្គោមានពន្លឺ និងប្រើ ZenUI 6 ផ្អែកលើប្រព័ន្ធប្រតិបត្តិការ Android 9 Pie។ Asus នឹងចេញលក់ស្មាតហ្វូននេះនៅប៉េកាំងនាថ្ងៃទី ២៣ កក្កដា និងលើពិភពលោកនៅថ្ងៃទី ៤ ខែកញ្ញា ដោយមិនទាន់បញ្ជាក់តម្លៃនៅឡើយ៕

ចុចអាន៖

ប្រភព៖ Androidauthority ប្រែសម្រួល៖ សុខហេង